Samfélagsmiðlar

Mega taka þoturnar yfir

Þota rússneska flugfélagsins S7 en það stefndi á flug til Íslands frá Moskvu í sumar. Þær ferðir hafa verið teknar úr sölu.

Um helmingur þeirra farþegaþota sem nýttar eru af rússneskum flugfélögum eru í eigu erlendra flugvélaleiga. Og allt frá því að innrás Rússa í Úkraínu hófst hafa eigendur þotanna reynt að fá þær til sín en með litlum árangri.

Nú má gera má ráð fyrir að það verkefni verði ennþá flóknara því í dag undirritaði Vladímir Pútin, forseti Rússlands, ný lög sem heimila þarlendum flugfélögum að eigna sér erlendar flugvélar. Frá þessu greindi rússneska fréttaveitan Tass.

Í heildina voru 515 farþegaþotur í leigu hjá rússneskum flugfélögum áður en stríðið í Úkraínu hófst samkvæmt úttekt Financial Times. Virði flotans var um 10 milljarðar dollara en sú upphæð jafngildir um 1,3 billjónum króna.

Það er írska flugvélaleigan AerCap sem er með mest undir í Rússlandi því 154 þotur í eigu fyrirtækisins eru þar í landi. En þess má geta að þær þrjár þotur sem Play hefur nýtt síðustu mánuði eru allar leigðar af AerCap sem jafnframt er umsvifamesta flugvélaleiga heims.

En þó rússnesk flugfélög geti nú samkvæmt nýju lögunum tekið yfir þoturnar þá gæti það reynst erfitt að sinna almennilegu viðhaldi og kaupa varahluti vegna viðskiptabannsins sem nú ríkir.

Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …