Samfélagsmiðlar

Setja Evrópuflugið frá Kanada á fulla ferð

Fyrir sumarvertíðina 2019 fékk kanadíska lágfargjaldaflugfélagið Westjet úthlutaða afgreiðslutíma á Keflavíkurflugvelli fyrir áætlunarferðir frá bæði Toronto og Calgary.

Ekkert var af þessum áformum enda lenti flugfélagið í vandræðum þegar Boeing Max þotur voru kyrrsettar um heim allan í mars 2019. Svo kom Covid-19 faraldurinn og þá var landamærum Kanada lokað.

Nú sjá stjórnendur Westjet fram á betri tíma því í dag kynntu þeir sumaráætlun sína fyrir Evrópu og hún gerir ráð fyrir fleiri ferðum en áður yfir Norður-Atlantshafið. Sú útgerð er ekki bundin við Toronto og Calgary því þotur Westjet munu líka fljúga til Evrópu frá Halifax og Vancouver. Meðal áfangastaða eru London, París, Dublin og Glasgow.

Allt eru þetta borgir sem íbúar í Toronto og Vancouver geta flogið til með Icelandair en þó með millilendingu á Keflavíkurflugvelli. Icelandair hefur hins vegar ekki tekið upp þráðinn í Halifax en borgin er ein af þeim sem félagið hætti að fljúga til þegar Max þotunum var lagt tímabundið.

Þess má geta að stærsta flugfélag Kanada, Air Canada, gerir ráð fyrir áætlunarflugi til Íslands í sumar frá bæði Montreal og Toronto. Á báðum þessum flugleiðum veitir Icelandair kanadíska félaginu samkeppni.

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …