Samfélagsmiðlar

Farþegar verða áfram að vera með grímur

Farþegi Delta flugfélagsins en áfram verða farþegar þess félags og allra þeirra sem fljúga til og frá bandarískum flugvöllum að vera með grímur.

Núgildandi reglur um grímunotkun í flugi til og frá Bandaríkjunum áttu að renna út þann 16. apríl en í gær gáfu bandarísk sóttvarnaryfirvöld út að gildistíminn yrði framlengdur til 3. maí. Þar með er ljóst að þeir sem fara í fyrsta áætlunarflug Play til Bandaríkjanna þurfa að vera með grímur í fluginu því félagið fer jómfrúarferð sína til Baltimore-Washington flugvallar á miðvikudaginn.

Forstjórar tíu stærstu flugfélaga Bandaríkjanna lýstu því yfir í síðasta mánuði að þeir teldu ekki ástæðu til að framlengja grímuskylduna og vísuðu meðal annars til þess að sú regla er á undanhaldi í flugi innan Evrópu. Fulltrúar stéttarfélaga flugfreyja og -þjóna hafa einnig bent á að grímuskyldan hefði leitt til þess að dólgslæti meðal farþega væru miklu tíðari en áður. Af þeim 5.981 farþega sem kærður var fyrir ólæti um borð í farþegaflugvél vestanhafs í fyrra þá voru nærri þrír af hverjum fjórum að mótmæla með einhverjum hætti grímuskyldunni.

Sóttvarnaryfirvöld vestanahafs telja engu að síður nauðsynlegt að framlengja reglur um almenna grímunotkun í öllum almenningssamgöngum í Bandaríkjunum fram yfir næstu mánaðamót í það minnsta í ljósi mikillar útbreiðslu BA.2 útgáfunnar af ómíkrón afbrigðinu.

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …