Samfélagsmiðlar

Gengi bréfanna hækkaði um nærri helming í vikunni

Þrátt fyrir mikla hækkun í vikunni þá er norski nýliðinn mun minna virði en hitt nýja norræna flugfélagið, þ.e. hið íslenska Play.

Tonje Wikstrøm Frislid er forstjóri Flyr og því eina konan sem stýrir skráðu norrænu flugfélagi.

Líkt og Play þá fór norska lágfargjaldafélagið Flyr í sína fyrstu áætlunarferð í lok júní í fyrra en gengi hlutabréfa í norska félaginu hefur síðan þá fallið í takt við taprekstur síðustu fjórðunga.

Í hlutabréfaútboði félagsins fyrir rúmu ári síðan kostuðu bréfin fimm norskar krónur og þau hækkuðu umtalsvert eftir að viðskipti hófust í kauphöllinni í Ósló í mars í fyrra. Félagið þurfti hins vegar að sækjast eftir meiru fé í byrjun þess árs og í því útboði var hver hlutur seldur á aðeins eina norska krónu eða um 15 íslenskar.

Gengið fór hins vegar ennþá neðar í febrúar og mars en í þessari viku var þróunin allt önnur. Hlutabréfin hækkuðu nefnilega um 47 prósent og skýringuna á því er helst að finna í flutningatölum sem gefnar voru út á þriðjudag. Þar kom fram að farþegum félagsins fjölgaði um 68 prósent í mars frá því sem var í febrúar. Sérstaklega er það sala á sérstökum afsláttarfargjöldum fyrir 16 til 29 ára sem gengur vel samkvæmt tilkynningu.

Eftir hækkun vikunnar er markaðsvirði Flyr um 10,2 milljarðar íslenskra króna en til samanburðar er virði Play um 17,3 milljarðar. Farþegar íslenska félagsins voru 24 þúsund í síðasta mánuði en sextíu þúsund fleiri sátu í þotum Flyr.

Eins og sjá má hér fyrir neðan þá tóku hlutabréf í hinum norrænum flugfélögunum ekki eins mikinn kipp í síðustu viku og raunin varð hjá Flyr.

Nýtt efni

Aðdáun Indverja á vískíi er ekki ný af nálinni. Þó var það ekki fyrr en í kringum árið 2010 að framleiðandinn Amrut, sem var stofnaður árið 1948, kynnti Indian Single Malt viskí sem átti sérstaklega góðu gengi að fagna í Skotlandi, af öllum stöðum, áður en það hélt áfram til Bandaríkjanna þar sem það mæltist …

Ein leiðin til að sjá eigin augum hversu umsvifamikil atvinnugrein ferðaþjónustan er í landinu er að fara í morgunferð austur á Þingvelli, njóta þess að vera þar nánast einn dálitla stund og hlusta á fuglana syngja, fylgjast síðan með bílaflóðinu inn á stæðin við gestastofuna á Hakinu þegar klukkan fer að ganga tíu. Þá sér …

Norska flugfélagið Norwegian gerði upp annan ársfjórðung í gær en hlutabréf í félaginu féllu um 16 prósent í síðustu viku þegar afkomuspá ársins var lækkuð. Fjárfestar tóku þó uppgjör gærdagsins vel því bréfin hækkuðu um fimm af hundraði. Niðurstaðan hljóðaði upp á 477 milljónir norskra króna í hagnað fyrir skatt eða 6,1 milljarð íslenskra kr. …

Play mun fækka flugferðunum sínum til Norður-Ameríku um fjórðung í vetur í samanburði við þann síðasta líkt og FF7 greindi frá. Til viðbótar hefur félagið gert breytingar á flugáætlun sinni til Evrópu. Í sumum tilfellum fjölgar ferðunum en þeim fækkar í öðrum. Þannig gerir áætlunin fyrir september ráð fyrir tíu prósent færri ferðum en í …

Play er með fjóra áfangastaði Bandaríkjunum og einn í Kanada og býður félagið nú upp á daglegar ferðir til þeirra allra nærri allt árið um kring. Yfir vetrarmánuðina hefur Play þó dregið úr framboði en næsta vetur verður niðurskurðurinn meiri en áður. Næstkomandi nóvember er aðeins reiknað með 99 brottförum frá Keflavíkurflugvelli til Bandaríkjanna og …

Nú í vikunni hafa mælingar í Noregi og Bandaríkjunum sýnt að verðlag í þessum tveimur löndum hjaðnar hraðar en greinendur höfðu reiknað með. Það sama er upp á teningnum í Svíþjóð en í morgun birti hagstofan þar í landi nýjar verðlagsmælingar sem sýna að verðbólga sl. 12 mánuði mælist nú 2,6 prósent. Ef vaxtakostnaður er …

Gengi hlutabréf í Icelandair hefur nú fallið um 61 prósent síðustu 12 mánuði og kostar hver hlutur í dag 86 aura. Í hlutafjárútboðinu sem efnt var til í september 2020, til að koma flugfélaginu í gegnum heimsfaraldurinn, var hluturinn seldur á 1 krónu. Stuttu eftir útboðið fór gengið eins langt niður og það er í …

Á fyrri helmingi ársins komu aðeins færri Bandaríkjamenn til Íslands en á sama tíma í fyrra þrátt fyrir tíðari flugferðir. Há verðbólga vestanhafs er væntanlega ein af skýringunum á þessum samdrætti enda hafa skuldsettir Bandaríkjamenn nú minna á milli handanna. Nú gæti hagur þess hóps vænkast því verðlag í Bandaríkjunum lækkaði meira í síðasta mánuði …