Samfélagsmiðlar

Leiga á smábíl við Keflavíkurflugvöll hefur hækkað um helming

island vegur ferdinand stohr

Hátt hlutfall ferðamanna á Íslandi kýs að fara um landið á bílaleigubíl. Nú er þess háttar ferðamáti mun dýrari en verið hefur. Ekki bara vegna hækkandi leiguverðs heldur líka dýrara eldsneytis.

Ferðamaður sem bókar bílaleigubíl hér á landi í sumar má gera ráð fyrir að borga nærri tuttugu þúsund krónur á dag fyrir smábíl.

Sá sem var gekk frá leigu á þessum tíma í fyrra, fyrir síðasta sumar, greiddi aftur á móti nærri þrettán þúsund krónur. Hækkunin á milli ára nemur því um helmingi.

Leigan á ódýrasta jepplingnum hefur hækkað minna eða um nærri þriðjung. Núna er meðalleiguverðið á þess háttar bifreið um 28 þúsund krónur á dag en var rúmlega 21 þúsund fyrir ári síðan.

Þetta sýnir samanburður á verðkönnunum sem Túristi gerði þann 22. mars í fyrra og aftur í dag. Við framkvæmdina er leitað eftir leiguverði hjá fimm af umsvifamestu bílaleigunum við Keflavíkurflugvöll á þremur mislöngum tímabilum í sumar.

Ferðamenn sem kjósa að keyra um Ísland á einkabíl í sumar þurfa því að reikna með að borga mun meira fyrir leiguna en líka fyrir bensínið. Heimsmarkaðsverð á Norðursjávarolíu er til að mynda nærri fjörutíu prósent hærra í dag en það var um mitt síðasta sumar.

Hækkandi verðskrár á íslenskum bílaleigum er ekki einsdæmi því víða erlendis eru bílaleigubílar mun dýrari í dag en fyrir heimsfaraldur. Skýringin liggur helst í minna framboði á bílaleigubílum sérstaklega þeim minnstu. Bílaframleiðendur hafa nefnilega sett í forgang að koma dýrari bílum á götuna á kostnað þeirra ódýrustu vegna skorts á íhlutum. Það er einnig staðreynd að bílaleigufyrirtæki losuðu sig við mikið af bílum til að koma sér í gegnum tekjuleysið í Covid-19 faraldrinum.

Nýtt efni

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …

Þjóðarflugfélög Frakka og Hollendinga mynda samsteypuna Air France-KLM Group og hagnaðist fyrirtækið um 934 milljónir evra á nýliðnu ári. Sú upphæð jafngildir 140 milljörðum króna. Aldrei áður hefur þessi fransk-hollenska samsteypa skilað svona miklum hagnaði að því fram kemur í tilkynningu nú í morgun í tilefni af birtingu uppgjörsins. Þar kemur fram að stríðið á …

Karólínska háskólasjúkrahúsið í Stokkhólmi er það sjöunda besta í heimi samkvæmt árlegum lista bandaríska tímaritsins Newsweek. Þetta er fimmta árið í röð sem Karólínska er á lista yfir þau 10 bestu en Björn Zoëga hefur verið forstjóri sjúkrahússins öll þau ár. Björn sagði stöðunni upp nú í ársbyrjun og lætur af störfum í næstu viku. …

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …