Samfélagsmiðlar

Bæta við ferðum í sumar og íhuga áætlunarflug næsta vetur

Flugsamgöngur milli Íslands og Vínarborgar næsta vetur gætu orðið óvenju miklar.

Ferðamönnum frá Austurríki gæti fjölgað hér á landi í takt við fjölgun flugferða frá Austurríki.

Ferðamenn frá Sviss hafa verið mun fleiri hér á landi en Austurríkismenn þrátt fyrir að jafn margir búi í þessum nágrannaríkjum. Framboð að Íslandsflugi frá Sviss hefur líka verið mun meira en frá Austurríki. Þotur Icelandair fljúga þannig reglulega til bæði Zurich og Genfar á meðan ferðir félagsins til Austurríkis takmarkast við skíðaferðir fyrir Íslendinga.

Sumarið 2019 voru svissnesku farþegarnir á Keflavíkurflugvelli um helmingi fleiri en þeir austurrísku. Um haustið og veturinn var munurinn ennþá meiri eða þrefaldur.

Næsta vetur gæti bilið minnkað því nú skoða stjórnendur austurríska flugfélagsins Austrian möguleikana á því að bjóða í fyrsta sinn upp á áætlunarflug frá Vínarborg til Íslands yfir vetrarmánuðina. Þetta staðfestir talsmaður félagsins í svari við fyrirspurn Túrista.

Hingað til hefur Austrian eingöngu flogið hingað yfir sumarmánuðina og hafa ferðirnar verið á vegum systurfélagsins Austrian Holidays sem einbeitir sér að flugi fyrir ferðaskrifstofur. Núna er Íslandsflugið hins vegar hluti af hefðbundinni áætlun Austrian og í vikunni var brottförum sumarsins fjölgað úr fjórum í fimm. Í júlí næstkomandi munu þotur Austrian því fljúga 23 ferðir frá Keflavíkurflugvelli en þær voru 17 í júlí 2019.

Austurríska flugfélagið er hluti af Lufthansa Group en félög á vegum þessarar stærstu flugfélagasamsteypu Evrópu hafa verið að fjölga ferðunum til Íslands að undanförnu. Síðastliðið ár hafa til að mynda þotur Edelweiss flogið hingað mun oftar en áður frá Zurich og í vetur ætlar Eurowings í fyrsta sinn að halda úti ferðum hingað frá Dusseldorf í Þýskalandi. Hingað til hefur flugfélagið eingöngu flogið hingað yfir sumarið.

Ef af vetrarflugi Austrian til Íslands verður þá fær Wizz Air í fyrsta sinn samkeppni á þessari flugleið á þeim tíma árs. En ungverska félagið hóf að fljúga hingað frá höfuðborg Austurríkis í febrúar árið 2019.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …