Samfélagsmiðlar

Biðin eftir Kínverjum verður lengri

Hópur kínverskra ferðamanna hér á landi er mun fámennari í dag en var fyrir heimsfaraldur.

Ennþá eru kínversk landamæri að mestu lokuð vegna Covid-19 faraldursins og heimamenn komast ekki út í heim. Og það verður einhver bið eftir því að kínverskir ferðamenn streymi til Evrópu á ný samkvæmt mati sérfræðinga við China Outbound Tourism Research Institute.

Þeir reikna nefnilega ekki með að Kínverjar fari á flakk fyrr en eftir áramót en upptakturinn verður hraður. Árið 2024 má nefnilega gera ráð fyrir að fjöldi kínverskra túrista á heimsvísu verði pari við það sem var 2019. Þetta mat byggir meðal annars á könnunum sem sýna að stór hluti Kínverja bíður spenntur eftir því að ferðast á ný til annarra landa.

Árin fyrir heimsfaraldur var vægi kínverskra ferðamanna hér á landi hæst í desember eins og sést á töflunni hér fyrir neðan. Ef kínversk landamæri opnast fyrr en China Outbound Tourism Research Institute gerir ráð fyrir þá gætu kínverskir ferðamenn orðið fjölmargir hér á landi um næstu áramót.

Það ber þó að hafa í huga að hluti þeirra Kínverja sem heimsækir Íslands býr ekki í heimalandinu. Til marks um það flugu um 7.500 Kínverjar frá Íslandi í janúar til apríl í ár en þeir voru 38 þúsund á sama tíma árið 2019. Fækkunin nemur áttatíu prósentum sem gefur ákveðna vísbendingu um að stór hluti kínverskra ferðamanna hér á landi er í raun búsettur annars staðar en í Kína.

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …