Samfélagsmiðlar

Draga úr flugi til Íslands

Farþegar SAS hafa úr færri ferðum að velja milli Íslands og Skandinavíku í sumar.

Sætunum Íslandsflugi SAS hefur verið fækkað.

Sumaráætlun skandinavíska flugfélagsins SAS gerði ráð fyrir daglegum ferðum til Keflavíkurflugvallar frá Ósló og Kaupmannahöfn og áætlunarflugi frá Stokkhólmi yfir hásumarið.

Það verður hins vegar ekkert af Íslandsfluginu frá höfuðborg Svíþjóðar og ferðunum frá Ósló verður fækkað um eina í viku. Talskona SAS segir í svari til Túrista að skýringin á þessu sé skortur á aðföngum en fram hefur komið í máli stjórnenda flugfélagsins að þar á bæ sé vanti flugvélar. Sérstaklega minni vélar sem notaðar eru í ferðir milli evrópskra áfangastaða.

Áform SAS um daglegar brottfarir frá Kaupmannahöfn standa óbreytt og þar með geta farþegar á leið héðan til dönsku höfuðborgarinnar áfram valið úr ferðum þriggja félaga. Úrvalið er jafn mikið ef ferðinni er heitið til Óslóar en aftur á móti verður Icelandair eitt um flugið til Stokkhólms.

Þetta er því önnur vikan í röð sem Icelandair sér á eftir keppinauti ef svo má segja. Play ætlar nefnilega ekki að skora á félagið í flugi til Flórída og nú er ljóst að SAS veiti Icelandair enga samkeppni á Arlanda flugvelli í Stokkhólmi.

Á þeim flugvelli eru reyndar mikla sviptingar þessi misserin. Þýska lágfargjaldafélagið Eurowings hefur opnað þar starfstöð og líka hið írska Ryanair. Á sama tíma er Norwegian að taka upp þráðinn í flugi sínu til og frá Stokkhólmi og samkeppnin er því hörð. Það er því ekki útilokað að eitthvað þessara félaga skori Icelandair á hólm fyrr en síðar í flugi í Íslandsflugi frá fjölmennustu borg Norðurlanda.

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …