Samfélagsmiðlar

Dýrara að dvelja í Bretlandi

london David Dibert

Flugsamgöngur milli Íslands og London eru tíðar allt árið en framboðið er mest yfir veturinn þegar breskir ferðamenn fjölmenna í Íslandsferðir.

Verðlag í Bretlandi hækkaði um níu prósent í apríl sem er ennþá meiri uppsveifla en í mars þegar neysluverðsvísitalan fór upp um sjö prósent. Þessi hækkun milli mánaða er sú mesta í fjörutíu ár en hana má að mestu rekja til hækkandi orkuverðs samkvæmt frétt The Telegraph.

Íslendingar á leið til Bretlands mega því gera ráð fyrir að dvölin ytra kosti meira nú en áður. Styrking íslensku krónunnar síðustu mánuði vegur þó upp á móti þessum hækkunum að einhverju leyti.

Sterkari króna vinnur hins vegar ekki með íslenskri ferðaþjónustu því nú er orðið dýrara fyrir Breta að sækja Ísland heim. Ört hækkandi verðlag í Bretlandi gæti líka komið niður á eftirspurn heimamanna eftir ferðalögum út í heim líkt og stjórnendur Heathrow flugvallar hafa bent á.

Yfir vetrarmánuðina eru Bretar fjölmennastir í hópi ferðamanna hér á landi. Í febrúar og mars í ár keyptu þeir ríflega 150 þúsund gistinætur á íslenskum hótelum eða fjórðung allra þeirra hótelgistinga sem bókaðar voru þessa tvo mánuði.

Næsta vetur stefnir í mikið framboð á áætlunar- og leiguflugi frá Bretlandi til Keflavíkurflugvallar á vegum sjö flugfélaga. Til viðbótar gerir Niceair ráð fyrir áætlunarflugi frá Akureyri til London og Manchester en Bretar fjölmenntu norður þegar þangað var flogið beint frá hinum ýmsu bresku borgum í ársbyrjun 2018 og 2019.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …