Samfélagsmiðlar

Fá ekki sérkjör ef gengið lækkar enn frekar

MAX þota Icelandair á Raleigh-Durham flugvelli í Norður-Karólínu í Bandaríkjunum.

Stærsti hluthafinn í Icelandair Group er bandaríski sjóðurinn Bain Capital Credit sem fer með 15 prósent hlut. Sjóðurinn á rétt á að auka hlutdeildina upp í 18 prósent nú í sumar og ef af verður þá munu viðskiptin færa Icelandair 2,3 milljarða króna.

Þessi kaupréttur var hluti af samkomulagi sem gert var í tengslum við fjárfestingu Bain Capital í Icelandair í júní í fyrra. Þá keypti sjóðurinn nýtt hlutafé í flugfélaginu fyrir 8,1 milljarð króna á genginu 1,43 krónur. Til viðbótar fékk Bain Capital rétt á að stækka hlut sinn um fjórðung á kaupgenginu 1,64 kr. og er þetta vilyrði virkt í tíu daga eftir uppgjör Icelandair fyrir annan ársfjórðung. Gera má ráð fyrir að það verði birt 21. júlí nk.

Í dag er gengi hlutabréfa í Icelandair 1,71 króna og hefur það lækkað um nærri fimmtán af hundraði síðastliðinn mánuð. Gengið hefur lægst farið niður 1,5 kr. á hlut í ár en sem fyrr segir þá byggir kaupréttur Bain Capital í júlí næstkomandi á genginu 1,64 kr.

Ef hlutabréfin í Icelandair verða á þeim tímapunkti verðlögð á lægri upphæð þá fær bandaríski sjóðurinn ekki sérstakan rétt til að kaupa viðbótarhlutina á markaðsgengi. Þetta kemur fram í svari Icelandair við fyrirspurn Túrista.

Stjórnendur Bain Capital yrðu þá að gera það upp við sig hvort þeir kaupi hlut í íslenska flugfélaginu á rúmlega 2,3 milljarða króna þrátt fyrir að markaðsvirðið sé lægra.

Fjárfesting sjóðsins síðastliðið sumar er hins vegar í plús því virði þeirra bréfa hefur hækkað um rúmlega einn og hálfan milljarð kr. eins og staðan er í dag. Sjóðurinn er ekki lengur bundinn af því að eiga hlutabréfin en þau eru skráð á írskt eignarhaldsfélag.

Ef bandaríski sjóðurinn kaupir viðbótarhlutinn í júlí þá þarf að gefa út ný hlutabréf og verður það þá fimmta hlutafjáraukningin hjá Icelandair síðan stóra hlutafjárútboðið fór fram haustið 2020. Sjötta aukningin er svo í pípunum því á síðasta aðalfundi var samþykkt að gefa út 900 milljón ný hlutabréf í tengslum við kaupréttakerfi fyrir stjórnendur og sérvalda starfsmenn.

Þegar tillagan um þessar kjarabætur var borin fram í febrúar þá var gengi hlutabréfa í Icelandair 2,25 kr. og hefur það lækkað um nærri fjórðung síðan þá. Horfurnar hafa líka versnað í rekstrinum sem helst má rekja til hækkunar olíuverðs. Spá stjórnenda Icelandair um jákvæða afkomu í ár er til að mynda ekki lengur í gildi.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …