Samfélagsmiðlar

Ítreka áhyggjur sínar af komandi vetri

Farþegi á Heathrow flugvelli í London.

Eftirspurn eftir flugferðum er mikil þessa dagana og útlitið gott fyrir sumarið eins og sjá má á yfirlýsingum stjórnenda flugfélaga og ferðaþjónustufyrirtækja hér heima og víða annars staðar. Verð á flugi er líka á uppleið eins og neytendur finna fyrir. Sú breyting skilar sér þó ekki að öllu leyti til flugfélaganna því rekstrarkostnaðurinn hefur rokið upp í takt við miklar hækkanir á olíu.

En þrátt fyrir uppsveifluna sem nú ríkir þá hafa húsráðendur á Heathrow flugvelli í London áhyggjur af horfunum í haust og í vetur. Í tilkynningu sem þeir sendu frá sér fyrir tveimur vikum síðan töluðu þeir um eftirspurnarbólu sem kynni að springa fyrir lok sumarvertíðar.

Nú í morgunsárið sendu stjórnendur þessarar stærstu flughafnar Evrópu frá sér aðra yfirlýsingu og þar eru varnaðarorðin endurtekin. Bent er á að farþegum hafi fjölgað þar á bæ í apríl en það skrifist að töluverðu leyti á notkun á inneignarnótum sem farþegar hafi fengið í heimsfaraldrinum.

Áframhaldandi stríðsátök í Úkraínu, hækkandi olíuverð, ferðatakmarkanir á lykilmörkuðum eins og Bandaríkjunum og möguleg ný afbrigði af Covid-19 valdi mikilli óvissu til lengri tíma. Til viðbótar hafi svo Seðlabanki Englands gefið út spá í síðustu viku um að verðbólga þar í landi fari yfir tíu prósent og þar með geti skapast kreppuástand í hagkerfinu.

Með þetta í huga segjast stjórnendur Heathrow gera ráð fyrir að eftirspurn eftir ferðalögum í ár verði 65 prósent af því sem var fyrir heimsfaraldur.

Til samanburðar stefnir í að umferðin um Keflavíkurflugvöll í sumar verði á pari við það sem varið sumarið 2019. Í september verður aukning um fimmtán prósent samkvæmt talningu Túrista. Ennþá er töluvert í að umferðin um Keflavíkurflugvöll verði sambærileg við metárið 2018.

Forstjórar breskra flugfélaga gagnrýndu neikvæðan tón í yfirlýsingu Heathrow fyrir hálfum mánuði síðan og sögðu svartsýnina skrifast á viðræðum við bresk flugmálayfirvöld um gjaldskrárhækkanir. Stjórnendur hins einkarekna flugvallar vilja nefnilega fá leyfi fyrir verulegri hækkun á gjaldskrá til að koma rekstrinum á réttan kjöl. En samkvæmt útreikningum sérfræðinga Heathrow þá má gera ráð fyrir að hækkunin gæti valdið um tveggja prósenta hækkun á meðalfargjöldum til og frá flugvellinum.

En þotur Icelandair fljúga tvisvar á dag til Heathrow og eins heldur British Airways úti Íslandsflugi sínu frá flugvellinum. Farþegar á leið milli Íslands og London hafa einnig úr að velja ferðum til flugvallanna við Gatwick, Luton og Stansted.

Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …