Samfélagsmiðlar

Kaupa 50 Max þotur

Norwegian fær einnig kauprétt á þrjátíu flugvélum til viðbótar.

Hinar nýju Max þotur eiga að leysa af hólmi eldri Boeing 737 en þær elstu í þeim flokki eru á bilinu 11 til 15 ára gamlar.

Leiguverð á nýjum Boeing Max hefur hækkað hratt síðustu mánuði og því fýsilegra að kaupa þotur en leigja. Þetta sagði Geir Karlsen, forstjóri Norwegian, á fjárfestafundi nýverið. Og nú í morgun kynnti norska félagið samkomulag um kaup á fimmtíu flugvélar af gerðinni Boeing 737 Max. Þær verða afhentar á árunum 2025 til 2028.

Um er að ræða endurnýjun á eldra samkomulagi frá árinu 2012 þegar Norwegian keypti eitt hundrað Max þotur af Boeing. Félagið hafði tekið átján þeirra í notkun þegar allar flugvélar af þessari gerð voru kyrrsettar í mars 2019 í kjölfar tveggja mannskæðra flugslysa. Norska félagið stefndi Boeing í hittifyrra vegna galla í þotunum og vildi komast undan kaupsamningnum. Sá samningur hefur nú verið endurnýjaður að hluta til.

Það eru sjötíu þotur í flota Norwegian í dag, langflestar af eldri gerð Boeing 737. Félagið hefur auk þess leigt fimmtán Max8 þotur sem afhentar verða fram að næstu sumarvertíð. Stjórnendur félagsins hafa, líkt og kollegar þeirra hjá Play, lagt áherslu á að borga aðeins fyrir þoturnar í takt við notkun. Hjá Icelandair hefur sú leið ekki verið farin.

Eins og fram kom hér á síðum Túrista fyrir helgi þá kostar umtalsvert minna að reka Norwegian en íslensku flugfélögin tvö. Tap þess norska á hvern farþega var líka mun minna á fyrsta fjórðungi ársins en raunin var hjá Icelandair og Play.

 

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …