Samfélagsmiðlar

Stundum ódýrara að fara lengri leiðina til Orlandó

Í haust er hægt að fljúga fyrir minna til Orlando með því að millilenda í New York.

Play boðaði samkeppni við Icelandair í ferðum til Flórída frá og með haustinu. Það verður hins vegar ekkert af þessum áformum þar sem stjórnendur Play hættu við að leigja langdræga þotu sem nýta átti í þessar nærri 8 klukkutíma löngu ferðir til flugvallarins í Orlandó.

Þar með hafa þeir sem vilja fljúga beint héðan til Flórída aðeins úr einum kosti að velja. Og eins og staðan er í dag kosta ódýrustu ferðirnar með Icelandair til Orlandó í október rétt um 84 þúsund krónur ef dvalið er úti í eina viku. Það verð er þó bundið við að flogið sé út á þriðjudegi. Ef það hentar ekki þá kostar farmiðinn töluvert meira.

Farþegar sem sætta sig við millilendingu á leiðinni til Orlandó komast hins vegar á leiðarenda fyrir nokkru minna fé með bandarísku flugfélögunum Delta og United.

Í það minnsta í október þegar bæði félög halda úti áætlunarflugi frá Keflavíkurflugvelli. Hjá báðum félögum er hægt að fá miða fyrir 60 til 75 þúsund krónur til Orlandó á fjölda dagsetninga í október en ferðalagið tekur þá rúma ellefu klukkutíma með millilendingu í New York. Farþegar Delta og United eru á ábyrgð félaganna ef seinkanir valda því að ferðaplönin riðlast.

Bæði Delta og United gera hlé á ferðum til Íslands í lok október og þá er ekki lengur hægt að ferðast til Flórída með þeim alla leið. Framboð á flugi til Orlando eða annarra áfangastaða á Flórídaskaganum er hins vegar mikið frá borgum eins og New York og Boston þangað sem Icelandair og Play fljúga reglulega. Farþegar verða þá oftar en ekki að kaupa farmiðana í sitthvoru lagi og eru því á eigin vegum ef breytingar verða á ferðatilhögun.

SMELLTU TIL AÐ GERA VERÐSAMANBURÐ Á BÍLALEIGUBÍLUM Í ORLANDÓ

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …