Samfélagsmiðlar

Ætla sér stærri hlut í flugi milli Íslands og Spánar

Valkostirnir í vetur verða fleiri fyrir þá sem vilja fljúga beint til Spánar.

Frá Madríd.

Þegar Wow Air var á mestri siglingu þá var ekkert annað félag eins stórtækt í flugi héðan til Spánar. Strax eftir fall Wow Air greindu stjórnendur Icelandair frá áformum sínum um taka markaðinn yfir enda væntanlega séð í kaupviðræðum sínum við Skúla Mogensen að þarna væri eftir talsverðu að slægjast.

Ekkert varð hins vegar úr Spánarplani Icelandair sem skrifast að hluta til á tveggja ára langa kyrrsetningu Boeing Max þotanna. Norwegian nýtti tækifærið og hóf áætlunarflug til Íslands frá fimm spænsku borgum og fyllti það skarð sem Wow Air skildi eftir sig og rúmlega það.

Svo kom heimsfaraldurinn og norska félagið lokaði starfstöðvum sínum á Spáni.

Og þegar landamæri opnuðust á ný þá hóf Icelandair áætlunarflug Tenerife í fyrsta sinn og hefur sá áfangastaður þar sem félagið fær mest borgað fyrir sætin. Play hefur líka sótt inn á spænska markaðinn af krafti því núna er hægt að bóka flug með félaginu til sjö spænskra borga. Það jafngildir því að þriðji hver áfangastaður í leiðakerfi Play sé á Spáni.

Gera ekki út á spænska tengifarþega

Og nú ætla félagið að spreyta sig á vetrarferðum til Madrídar, höfuðborgar Spánar. Þangað hóf Play að fljúga nú í vor og þá var gert ráð fyrir ferðum fram á haust. Í dag er aftur á móti hægt að bóka far með Play tvisvar í viku til borgarinnar. Brottfarir eru seinnipart dags og henta þar með ekki þeim sem eru á leið milli Norður-Ameríku og Spánar en væru til í að millilenda á Keflavíkurflugvelli. Play gerir því út á Íslendinga á leið til Spánar og Madrídarbúa sem vilja í vetrarferð til Íslands.

Spurður út í þessa viðbót þá bendir Birgir Olgeirsson, upplýsingafulltrúi Play, á að Madríd sé stærsta borgin í Evrópu sem ekki hefur haft reglubundið flug til Íslands yfir veturinn ef Moskva og Istanbúl eru teknar út fyrir sviga. „Að fljúga til Madríd allt árið er í línu við þá stefnu okkar að vera leiðandi flugfélag í flugi á milli Íslands og Spánar“ bætir Birgir við.

Hann vill þó ekki endilega taka undir það að leiðandi flugfélag sé það sem flytur flesta farþega. „Við ætlum að vera leiðandi í áætlunarflugi á milli Íslands og Spánar. Með aukinni tíðni og fjölgun áætlunarstaða er búist við að farþegum fjölgi í samræmi við það,“ svarar Birgir.

Icelandair ennþá með forystu

Fyrstu fimm mánuði ársins flugu um 116 þúsund farþegar milli Íslands og Spánar samkvæmt tölum frá spænskum flugmálayfirvöldum. Og ennþá er Icelandair með forskot á keppinautinn því félagið flaug með rúmlega 42 þúsund farþega milli landanna tveggja fyrstu fimm mánuði ársins á meðan 37 þúsund nýttu sér ferðir Play. Félögin tvö voru því með 71 prósent hlutdeild á markaðnum.

Miklu fleiri spænskir túristar

Með vetrarferðum Play til Madrídar verður á ný hægt að fljúga til borgarinnar allt árið um kring en það var síðast valkostur í janúar árið 2020. En líkt og Túristi fór yfir á sínum tíma þá fjölgaði spænskum ferðamönnum hér á landi yfir veturinn mjög hratt með Íslandsflugi Norwegian frá bæði Madríd og Barcelona. Veturinn 2018 til 2019 komu hingað 25 þúsund Spánverjar en þeir voru rétt um sjö þúsund veturinn áður en útgerð Norwegian hófst.

Icelandair hefur lítið sinnt flugi til þessara tveggja fjölmennustu borga Spánar. Þotur félagsins fljúga nú í sumar eingöngu til fyrrnefndu borgarinnar yfir sumarmánuðina.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …