Samfélagsmiðlar

Allt jafn stórar þotur

Icelandair heldur áfram að bæta við minni þotum en ennþá á eftir að finna stærri vélar fyrir starfsemina.

Ef að líkum lætur þá verða átján Max þotur í flota Icelandair frá og með haustinu.

Icelandair hefur skrifað undir viljayfirlýsingu um kaup á fjórum Boeing Max flugvélum. Þetta var tilkynnt í lok síðustu viku en þá kom ekki fram hvort þoturnar væru af gerðinni Max 8, Max 9 eða blanda af hvoru tveggja.

Spurður nánar um þetta samkomulag við bandaríska flugvélaframleiðandann þá segir Guðni Sigurðsson, upplýsingafulltrúi Icelandair, að þoturnar fjórar séu allar af fyrrnefndu gerðinni. Stefnt er að því að þær komi til landsins í haust og verði innréttaðar í viðhaldsstöð flugfélagsins á Keflavíkurflugvelli. Líkt og í öðrum Max 8 þotum Icelandair þá verða 160 sæti í nýju eintökunum en pláss er fyrir 178 farþega í Max 9 vélunum.

Í flota Icelandair í dag eru tólf Max þotur og tvær bætast við nú í byrjun sumars. Frá og með haustinu stefnir því í að Icelandair verði með átján þess háttar flugvélar og þar af átta í eigu flugfélagsins sjálfs. Hinar tíu eru teknar á leigu.

Biðtíminn meira en áratugur

Þessar nýju flugvélar marka líka ákveðin tímamót hjá Icelandair því það stefnir í að flugvélar af gerðinni Boeing 757 verði ekki lengur algengasta tegundin í flugflota Icelandair. Fjórtán þess háttar fljúga í dag með farþega Icelandair og hefur félagið þurft að fá eina slíka til viðbótar fyrir sumarið til að halda úti áætlun. Sú flugvél er í eigu Loftleiða, systurfélags Icelandair.

Ennþá liggur ekki fyrir hvers konar þotur flugfélagið hyggst kaupa til að nýta á lengri flugleiðum en fluttar hafa verið af því óteljandi fréttir síðustu ár um að nú ætli stjórnendur Icelandair að gera upp hug sinn í þessum efnum. Ákvörðun um slíkt hefur hins vegar verið slegið á frest ítrekað og á meðan hafa biðraðirnar eftir langdrægum flugvélum hjá Airbus lengst. Flugfélag sem bókar Airbus A321 þotu í dag beint frá framleiðanda gæti þurft að bíða í meira en áratug miðað við núverandi afkastagetu í verksmiðjum Airbus.

Ennþá tafir hjá Boeing

Icelandair horfir líka til þess að kaupa Boeing Dreamliner þotur en félagið hafði reyndar tryggt sér nokkur eintök af þess háttar breiðþotum í byrjun aldarinnar. Þær vélar voru hins vegar seldar til Norwegian en reyndust ekki nógu vel vegna endurtekinna bilanna í hreyflum. Og ennþá á Boeing í erfiðleikum með að koma frá sér Dreamliner þotum skammarlaust og flugmálayfirvöld vestanhafs þurfa að yfirfara hvert einasta eintak.

Það eru því ekki bara Max þoturnar sem hafa reynst gallagripir því eins og þekkt er þá voru allar flugvélar af þeirri gerð kyrrsettar um heim allan í mars árið 2019. Sú aðgerð varði í nærri tvö ár og á meðan hrönnuðust upp flugvélar hjá Boeing, meðal annars vegna þess að flugfélög sögðu upp samningum eða fóru á hausinn. Þoturnar fjórar sem Icelandair hyggst kaupa á næstunni eru einmitt af þessum óselda lager sem Boeing situr uppi með.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …