Samfélagsmiðlar

„Fæstir átta sig á hvernig hvalirnir eru drepnir“

Meðal þeirra sem fylgjast grannt með hvalveiðum okkar er Arne Feuerhahn, talsmaður Hard to Port, en það er þýskur félagsskapur sem einfaldlega vill stöðva hvalveiðar í atvinnuskyni við Ísland.

Arne Feuerhahn, Hard to Port

Arne Feuerhahn fylgist með hvalveiðum okkar og sendir myndir og frásagnir um heiminn.

Einn þeirra sem fylgdust með skipi Hvals hf. færa langreyði að landi í Hvalfirði fyrr í vikunni var þýski aðgerðasinninn Arne Feuerhahn frá Flensborg í Þýskalandi. Hann sendi dróna á loft til að mynda atburðarásina – hvernig hvalsskrokkurinn litaði sjóinn blóði sínu á leið sinni í hendur flensara Kristjáns Loftssonar.

Það er dapurlegt að fylgjast með því hvernig þessi auðugi maður heldur áfram frístundastarfi sínu – að drepa tilfinninganæmar og mikilvægar sjávarskepnur á grimmilegan hátt að þarflausu,“

segir Arne Feuerhahn, og lýsir í tilkynningu frá Hard to Port stálskutlunum þungu og beittu sem tvö veiðiskip Hvals hf. eru búin. „Þegar skutlinum er skotið í hvali er sprengihleðsla virkjuð. Hún á að tryggja að dýrið drepist strax. Rannsóknir sýni hinsvegar að sumir hvalanna þjáist í allt að 15 mínútur áður en þeir drepast.

„Flestir á Íslandi vita af hvalveiðunum en fæstir hvernig hvalirnir eru veiddir. Ég er þeirrar skoðunar að fylgjast þurfi með þessu athæfi, skrásetja það, og gera fólki sýnilegt. Það er án efa óþægilegt að horfa á hval veiddan en það er mikilvægur hluti þess að tryggja heiðarlega umræðu um framtíð hvalveiða,“ segir Feuerhahn.

Fleiri aðgerðasinnar en Þjóðverjinn Arne Feuerhahn fylgjast með hvalveiðum Íslendinga í sumar og senda fjölmiðlum vítt og breitt frásagnir og myndir. Þegar hafa nokkrir áhrifamiklir fjölmiðlar birt umfjöllun um hvalveiðarnar – og munu halda því áfram.

Nýtt efni

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …

Á fimmta hundrað flugvallarstarfsmenn í Ósló og Bergen munu leggja niður störf á miðnætti ef ekki nást samningar um nýjan kjarasamning. Viðræðurnar stranda aðallega á kröfum um bætt lífeyrisréttindi og aukin veikindarétt að því segir í frétt Norska ríkisútvarpsins. Ef til verkfalls kemur er viðbúið að það hafi mikil áhrif á umferðina um flugvellina í …