Samfélagsmiðlar

Fresta verkfalli fram á laugardag

Samningaviðræður flugmanna og stjórnenda SAS halda áfram. Ef fjárhagslega endurskipulagning SAS heppnast þá verður norska ríkið á ný hluthafi í félaginu.

Farþegar SAS á Kaupmannahafnarflugvelli munu komast á áfangastað í dag. Áfram ríkir þó óvissa um hvað gerist á laugardaginn.

Flugmenn SAS seinkuðu seint í gærkvöld boðuðu verkfalli sínu um þrjá sólarhringa. Þar með fljúga þotur félagsins samkvæmt áætlun í dag og meðal annars hingað til lands frá bæði Ósló og Kaupmannahöfn.

Samningaviðræður milli forsvarsfólk flugmanna og stjórnenda SAS halda því áfram í Stokkhólmi fram á föstudag. Ef ekki nást samningar mun stór hluti flugmanna leggja niður störf á laugardaginn.

SAS hefur áður gefið út að verkfallið myndi hafa áhrif á um helming flugferða félagsins eða um 200 til 250 brottfarir á dag. Ferðaplön um 20 til 30 þúsund farþega myndu því riðlast á degi hverjum.

Viðræður SAS við samtök flugmanna í Noregi, Svíþjóð og Danmörku hafa staðið yfir frá því í lok síðasta árs en stjórnendur flugfélagsins vinna nú að fjárhagslegri endurskipulagningu. Breytt kjör flugmanna eru hluti af þeirri áætlun en til stendur að auka vinnuskyldu flugmanna og eins færa ráðningasamninga í ný dótturfélög. Þessu hafa flugmennirnir alfarið neitað.

Forstjóri SAS, hollendingur Anko van der Werff, segir félagið hins vegar róa lífróður. Launakjör áhafna verði að taka breytingum og eins þurfi kröfuhafar að afskrifa skuldir. Félagið vill líka losna við breiðþotur sem lítið gagn er af þar sem flugleiðin yfir Rússland til Asíu er lokuð.

Stærstu hluthafar SAS í dag eru sænska og danska ríkið sem hvort um sig á um 22 prósent hlut í þessu stærsta flugfélagi Norðurlanda. Til viðbótar eru ríkissjóðir landanna tveggja meðal stærstu kröfuhafa en þeim skuldum verður breytt í nýtt hlutafé ef fjárhagslega endurskipulagning SAS heppnast. Svíar ætla hins vegar ekki að setja meira fé í rekstur flugfélagsins en Danir eru reiðubúnir til þess.

Norska ríkið seldi hlut sinn í SAS sumarið 2018 en í gær gáfu ráðamenn þar út að vilji væri til að breyta kröfum á flugfélagið í hlutafé. Norðmenn ætla þó ekki að setja nýtt fé í reksturinn.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …