Samfélagsmiðlar

Heathrow fær ekki að hækka gjöldin

Horfur eru á að bresk flugmálayfirvöld heimili ekki Heathrow-flugvelli að hækka flugvallargjöldin jafn mikið og stjórnendur flugvallarins telja nauðsynlegt til að viðhalda nauðsynlegu þjónustustigi vellinum og tryggja góða upplifun farþega.

Yfirvöld á Heathrow vilja bæta upplifun farþega - en það kostar hærri gjöld.

Bresk yfirvöld neyðast til að láta undan þrýstingi flugfélaga og draga úr fyrirhuguðum hækkunum lendingargjalda á Heathrow-flugvelli næstu fjögur árin. Stóru flugfélögin British Airways og Virgin hafa í marga mánuði átt í harðri deilu við flugvallaryfirvöld um gjaldtökuna. Þótt Heathrow-flugvöllur sé einkarekinn er hann háður hinu opinbera varðandi flugvallargjöld.

Af hálfu Heathrow-flugvallar var því haldið fram að tvöfalda þyrfti gjaldtöku til að standa straum af nauðsynlegum lagfæringum á flugvellinum, bæta þjónustu við viðskiptavini og laða um leið að fjárfesta. Flugfélögin snérust hart gegn frekari gjaldtöku og sögðu Heathrow þegar dýrasta flugvöll heims. 

Bresk flugmálayfirvöld sögðu að miðað við þær verðlagshorfur sem spáð væri myndi hámarksgjald á hvern farþega lækka úr 30 í 26 pund en ákvörðun um þetta hefur ekki verið tekin. Áður hafði verið búist við að gjaldið hækkaði í á bilinu 24 til 34 pund. Fyrir tveimur árum var gjaldið um 22 pund á farþega. 

Af hálfu Heathrow-flugvallar er því haldið fram að flugmálayfirvöld vanmeti tekjuþörfina til að standa undir góðri þjónustu við farþega. Ákvörðun flugmálayfirvalda um að draga úr hækkun muni minnka fjárfestingar í þjónustu og leiða til verri upplifunar farþega á Heathrow. 

Flugmálayfirvöldin bresku búast við að tilkynna lokaákvörðun sína um flugvallargjöldin í haust, samkvæmt frétt Reuters-fréttastofunnar. 

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …