Samfélagsmiðlar

Miklu fleiri farþegar en virði flugfélaganna lækkar áfram

Hækkandi olíuverð og truflanir á flugi hafa neikvæð áhrif á rekstur flugfélaga nú um stundir.

Á Keflavíkurflugvelli sem víðar fjölgar farþegunum hratt þessa dagana.

Þessa dagana eru þoturnar þéttsetnari en þær hafa verið í í langan tíma og fargjöldin almennt há. Forstjóri Wizz Air, næststærsta lágfargjaldaflugfélags Evrópu, er þó ekki sérstaklega bjartsýnn á framhaldið og gerir ráð fyrir tapi á yfirstandandi fjórðungi.

Á þeim næsta, júlí til september, vonast forstjórinn eftir hagnaði en hversu mikill hann verður ræðst af eldsneytisverði og truflunum á flugumferð næstu mánuði. Wizz Air gefur því ekki út afkomuspá fyrir yfirstandandi reikningsár en það hófst 1. apríl sl. og lýkur í lok mars á næsta ári.

Til samanburðar reiknar Play með rekstrarhagnaði á seinni hluta ársins og Icelandair gerir ráð fyrir að vera í plús á bæði á þessum ársfjórðungi og þeim næsta.

Hlutabréfin í íslensku flugfélögunum tveimur hafa líka lækkað mun minna í ár en bréfin í Wizz Air. Hjá Icelandair nemur lækkunin 16 prósentum í ár, gengi Play hefur lækkað um fjórðung á meðan virði Wizz Air hefur lækkað um fjörutíu af hundraði.

Og þessi þróun hélt áfram í vikunni því bréfin í íslensku félögunum lækkuðu þrátt fyrir birtingu farþegatalna sem sýndu að farþegahópurinn stækkaði umtalsvert í maí. Bréfin í Wizz Air lækkuðu ennþá meira eða um tíund.

Í hinum norrænu kauphöllunum fór markaðsvirði flugfélaga líka niður á við ef Norse Atlantic er frátalið. Það félag hefur reyndar ennþá ekki farið sína fyrstu áætlunarferð.

Rússibaninn hjá hluthöfum SAS hélt svo áfram í vikunni. Hlutabréfin hækkuðu um 35 prósent fyrir hádegi á föstudag eftir að fjármálaráðherra Danmerkur gaf út að ríkissjóður Dana yrði áfram nýttur til að styðja við flugfélagið. Bréfin lækkuðu svo þónokkuð eftir hádegi og vikan endaði í mínus eins og sjá má á grafinu.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …