Samfélagsmiðlar

SAS fær ekki meira fé úr sjóðum Svía

Sænska ríkisstjórnin er sammála um að draga verulega úr ítökum sínum í stærsta flugfélagi Norðurlanda.

Karl-Petter Thorwaldsson, viðskiptaráðherra Svíþjóðar, ítrekaði á fundi sínum með blaðamönnum að sænska þingið hefði ákveðið árið 2010 að draga úr hlut sínum í SAS. Nú væri í raun komið að þeim tímapunkti.

Karl-Petter Thorwaldsson, viðskiptaráðherra Svíþjóðar, efndi til blaðamannafundar nú í morgunsárið þar sem hann greindi frá því að sænska ríkið myndi taka þátt í þeirri fjárhagslegu endurskipulagningu á flugfélaginu sem nú er unnið að. Þó eingöngu með því að breyta skuldum upp á um fjóra milljarða sænskra króna í hlutafé. Upphæðin jafngildir 53 milljörðum íslenskra króna.

Ráðherrann sagði hins vegar ljóst að flugfélagið fengi ekki meira fé úr opinberum sjóðum Svía. Þar með væri óumflýjanlegt að hlutur sænska ríkisins í SAS myndi minnka í tengslum við boðaða hlutafjáraukningu síðar á þessu ári.

Í dag á sænska ríkið um 22 prósent hlut í flugfélaginu. Hlutur danska ríkisins er álíka stór en Norðmenn seldu sín hlutabréf í SAS sumarið 2018. Ekki liggur fyrir hvort Danir ætli að veita meiru fé í rekstur SAS.

Á blaðamannafundi sínum í morgun sagði Thorwaldsson viðskiptaráðherra að flugmarkaðurinn í Svíþjóð hefði breyst mikið. Nú væru þar starfandi fjöldi lágfargjaldafélaga og SAS yrði að aðlaga sig að þeirri samkeppni og þeirri staðreynd að nú ferðast færri vegna vinnu en áður. En svokallaðir viðskiptaferðalangar hafa hingað til verið verðmætasti kúnnahópurinn hjá SAS.

Líkt og Túristi hefur áður skrifað þá gengur fjárhagsleg endurskipulagning SAS ekki eingöngu út á að fá inn meira fé í reksturinn. Markmiðið er líka að fá kröfuhafa til að afskrifa hluta af lánum sínum og breyta þeim í hlutafé. Á sama tíma er lagt upp með að áhafnir félagsins taki á sig töluverðar kjaraskerðingar.

Nýtt efni

Um 90% af öllum úrgangi sem fellur til á Íslandi, bæði frá heimilum og rekstri, ratar í einhvers konar endurvinnslu eða endurnýtingu. Þetta sýna nýjar úrgangstölur frá Umhverfisstofnun, fyrir árið 2022.  Það er fróðlegt að rýna í þessar tölur og fá þar með yfirsýn yfir neyslu Íslendinga, en Íslendingar eru á meðal mestu neysluþjóða í heimi. Magn …

Kínverjar eru leiðandi í smíði rafbíla, sem taldir eru mikilvægir vegna nauðsynlegra orkuskipta í samgöngum. Hinsvegar er Kína enn mjög háð brennslu kola, nærri 60% rafmagns í landinu er framleitt með kolum og það er enn verið að auka kolanám í landinu. Auk þess sem flutt er inn mikið af olíu og gasi. Jafnhliða er …

Það vour 1.299 bílar skráðir nýir á götuna hér á landi fyrstu þrjár vikurnar í júní og þar af 986 á vegum bílaleiga. Það jafngildir því að 24 prósent nýrra ökutækja fór til einstaklinga en á sama tíma í fyrra var hlutfallið 38 prósent samkvæmt tölum Bílgreinasambandsins sem ná til 23. júní. Þessar fyrstu þrjár …

Það voru þrjú norræn alþjóðaflugfélög sem hófu flugrekstur í Covid-faraldrinum. Hér á landi var það Play en Flyr og Norse í Noregi. Öll þrjú leigðu árið 2021 þotur á lægra verði en áður hafði þekkst og efndu til hlutafjárútboða meðal fagfjárfesta og almennings. Í byrjun síðasta árs varð Flyr gjaldþrota en rekstur þess byggði á …

Ein árangursríkasta loftslagsaðgerð síðari ára á Íslandi er líklega sú að banna urðun lífræns úrgangs. Þetta bann tók gildi í upphafi árs 2023 og árangurinn hefur ekki látið á sér standa. Smám saman hafa jákvæðar tölur verið að berast, sem gefa tilefni til bjartsýni. Það er semsagt hægt að ná árangri í loftslagsmálum, þótt margir …

Barselóna er ein vinsælasta ferðamannaborg Evrópu en óþol íbúa vegna ágangsins hefur farið vaxandi á síðustu árum - ekki síst vegna húsnæðisvanda ungs fólks sem ekki getur keppt við ferðaþjónustuna í leiguverði. Fyrri borgaryfirvöld hættu útgáfu nýrra leyfa til útleigu og lokað mörgum ferðamannaíbúðum en nú eru í farvatninu enn meiri breytingar. Airbnb og öðrum …

Í Svíþjóð kalla sumarsólstöður, eða Midsommar, á mikil hátíðarhöld þar sem síld og snaps hafa lengstum verið í aðalhlutverki. Sölutölur sænskra kaupmanna sýna þó að vinsældir síldarinnar dala ár frá ári og nú er svo komið að salan hefur helmingast frá árinu 2008. Frá þessu greinir Sænska ríkisútvarpið. Skýringin á þessari þróun liggur í bragðlaukum …

Ferðahópur á Þingvöllum

Alþingi hefur samþykkt tillögu til þingsályktunar, sem ferðamálaráðherra lagði fram í apríl, um ferðamálastefnu og aðgerðaáætlun til 2030. Öðlast þingsályktunin þegar gildi en mótun stefnunar var sett á ís þegar Covid-faraldurinn hófst en þráðurinn var tekinn upp að nýju í fyrra. Þá skipaði ráðherra ferðamála, Lilja Alfreðsdóttir, sjö starfshópa til að fara í verkið og komu meira …