Samfélagsmiðlar

Vægi tengifarþega fór upp á við

Icelandair flutti 316 þúsund farþega í yfir þúsund ferðum í maí.

Sætanýtingin í millilandaflugi Icelandair var 74 prósent í maí.

Ástæðan fyrir því að Icelandair getur boðið uppá nokkrar ferðir á dag til borga eins og Kaupmannahafnar, Parísar, New York, Boston er sú að stór hópur farþega millilendir á Keflavíkurflugvelli á leið sinni yfir Norður-Atlantshafið. Ef félagið væri eingöngu að ferja túrista til Íslands og Íslendinga út í heim þá væri ekki þörf fyrir eins tíðar ferðir til áfangastaða í Norður-Ameríku og Evrópu.

Vægi tengifarþega hefur aftur á móti verið lágt síðustu mánuði jafnvel þó bandarísk landamæri hafi opnað á ný í lok síðasta árs.

Í nýliðnum maí voru tengifarþegarnir hins vegar 124 þúsund og hlufall þeirra fór upp í 43 prósent samkvæmt nýjum flutningatölum Icelandair. Til samanburðar var hlutfallið rétt 22 prósent í mars sl. en fyrir Covid-19 var vægi tengifarþega mun hærra eins og sjá má á línuritinu hér fyrir neðan.

Ástæðan fyrir því að samanburðurinn hér fyrir neðan sýnir eingöngu stöðuna frá mars til maí er sú að fyrir gjaldþrot Wow Air, í mars 2019, þá veittu stjórnendur Icelandair ekki svona greinargóðar upplýsingar í mánaðarlegum flutningatölum sínum.

Í heildina flaug Icelandair með 316 þúsund farþega í maí og af þeim voru 26 þúsund í innanlandflugi. Sætanýtingin í millilandaflugi var 74 prósent en 80 prósent í ferðum félagsins innan Íslands.

„Bókunarstaðan hjá okkur er mjög sterk og greinilega mikill ferðavilji til staðar. Hins vegar, eins og fram hefur komið í fréttum, hafa krefjandi aðstæður á mörgum flugvöllum um þessar mundir valdið talsverðum röskunum á flugi um allan heim. Skýrist þetta fyrst og fremst af því að ekki hefur tekist að manna stöður á flugvöllum í takt við snarpa uppbyggingu flugs eftir faraldurinn. Truflanir sem þessar hafa keðjuverkandi áhrif en aukið umfang flugáætlunar okkar og mikil tíðni á lykiláfangastaði gerir okkur kleift að lágmarka áhrif á farþega eins og mögulegt er,“ skrifar Bogi Nils Bogason, forstjóri Icelandair, í tilkynningu.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …