Samfélagsmiðlar

Farþegafjöldinn á Keflavíkurflugvelli kemst næst því sem var

Gardermoen við Ósló er sú norræna flughöfn sem flestir fara um. Þar eins og á öðrum alþjóðaflugvöllum er innanlandsflug stór hluti af umsvifunum. Keflavíkurflugvöllur er undantekning frá þeirri reglu.

Það voru 694 þúsund farþegar sem flugu um Keflavíkurflugvöll í síðasta mánuði eða rétt um tólf prósent færri en þeir voru í júní 2019. Samdrátturinn á stærstu flugvöllum Svía, Dana og Finna var talsvert meiri og langmestur í Helsinki. Þar vantar ennþá einn af hverjum þremur farþegum en skýringin liggur fyrst og fremst í lítilli flugumferð milli Evrópu og Asíu. Bæði vegna sóttvarnaraðgerða í Austurlöndum fjær og eins er rússnesk lofthelgi lokuð.

Þar með fljúga þotur Finnair miklu færri ferðir en áður til stærstu borga Kína, Japan og Suður-Kóreu.

Finnska flugfélagið hefur vegna ástandsins opnað starfsstöð á Arlanda flugvelli í Stokkhólmi og flýgur þaðan til Bandaríkjanna og eins til Tælands. Þrátt fyrir þá viðbót er farþegahópurinn á stærsta flugvelli Svíþjóðar nærri fjórðungi fámennari en var á sama tíma fyrir þremur árum og sömu sögu er að segja af Kaupmannahöfn.

Af þeim sökum er Ósló fjölfarnasta flughöfn Norðurlanda en þar vegur innanlandsflugið þungt því um fjórir af hverjum tíu farþegum eru í raun að fljúga milli norska flugvalla en ekki til og frá útlöndum.

Nýtt efni

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …

Icelandair sagði í dag upp 82 starfsmönnum en um er að ræða starfsfólk úr ýmsum deildum á skrifstofum og starfsstöðvum félagsins. Í tilkynningu er bent á að Icelandair hafi á árunum 2021 til 2023 ráðið og þjálfað um 2.500 starfsmenn og góður árangur hafi náðst við að byggja félagið hratt upp eftir heimsfaraldurinn. Nú er …

Miklar breytingar eru við sjóndeildarhringinn í grænlenskri ferðaþjónustu. Ný flugstöð verður tekin í notkun í Nuuk 28. nóvember. Síðan er ráðgert að ljúka framkvæmdum við nýjar flugstöðvar í Ilulissat og Qaqortoq á Suður-Grænlandi fyrir lok ársins 2026. Nú sinna Air Greenland og Icelandair Grænlandsflugi en færi ættu að skapast til að laða að fleiri flugfélög. …

Þýski Volkswagen ætlar ekki að játa sig sigraðan í baráttunni um markaðinn fyrir ódýrar gerðir rafbíla, þar sem kínverskir framleiðendur hafa náð góðri fótfestu og boða enn frekari landvinninga. Fyrr í mánuðinum runnu út í sandinn viðræður fornu fjendanna Volkswagen og franska Renault um að standa sameiginlega að þróun og smíði nýs rafknúins alþýðubíls til …