Samfélagsmiðlar

Fleiri hótelgistingar en fyrir heimsfaraldur

Það var meira að gera á hótelum landsins í júní en á sama tíma árið 2019. Í það minnsta ef horft er til fjölda seldra gistinátta.

Herbergi á Fosshóteli Fáskrúðsfirði.

Útlendingar bókuðu 405 þúsund gistinætur á íslenskum hótelum í júní sem er um 23 þúsund fleiri nætur en í júní 2019. Aukningin nemur sex prósentum. Íslendingar sjálfir juku líka viðskipti sín við hótel landsins því gistinætur heimamanna voru rúmlega 91 þúsund en voru rétt um 38 þúsund í júní 2019. Þetta er meðal þess sem lesa má úr gistináttatölum Hagstofunnar sem birtar voru í morgun.

Í heildina fjölgaði því gistinóttum á hótelum um 18 af hundraði í júní.

Af útlendingunum þá voru Bandaríkjamenn stærsti kúnnahópurinn með 141 þúsund nætur og þar á eftir komu Þjóðverjar eins og sjá má á listanum hér fyrir neðan.

Hlutfallslega voru það Ítalir sem bættu einna mestu við frá því fyrir heimsfaraldur því gistinætur þeirra voru nærri tvöfalt fleiri. Hollendingar bættu við um helmingi en túristum frá þessum tveimur löndum hefur fjölgað verulega að undanförnu. 

Aftur á móti er fjöldi ferðamanna frá Asíu sáralítill miðað við það sem var enda eru sóttvarnaraðgerðir ennþá almennar í Kína. Japanir eru þó að komast á ferðina á nýjan leik. Gistinóttum þeirra fækkaði um 69 prósent í júní en samdrátturinn hjá Kínverjum nam 94 prósentum.

Nýtt efni

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …

MYND: ÓJ

Kínverskir ferðamenn hafa verið töluvert áberandi í Reykjavík og víðar um land í vor. Auðvitað er fólk af kínverskum uppruna búsett um allan heim og eitthvað af því fer í Íslandsferðir en þeim hefur snarfjölgað sem koma hingað alla leið frá Alþýðulýðveldinu Kína. Samkvæmt talningu Ferðamálastofu á Keflavíkurflugvelli komu hingað í marsmánuði 8.642 Kínverjar og …

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …