Samfélagsmiðlar

Ísland einn af tíu stærstu mörkuðunum fyrir bílaleigubíla fyrir bandaríska túrista

island vegur ferdinand stohr

Að jafnaði eru bílar leigðir út í sjö daga hér á landi sem er aðeins lengri tíma en víðast hvar annars staðar.

Tveir af hverjum þremur ferðamönnum sem hingað komu í fyrra leigðu sér bíl samkvæmt niðurstöðum könnunar Ferðamálastofu. Og það eru teikn um að áfram vilji útlendingar hafa bíl til umráða þegar þeir sækja Ísland heim.

Til marks um það þá er Ísland einn af þeim tíu erlendu áfangastöðum þar sem bandarískir ferðamenn hafa bókað flesta bíla fyrir næstkomandi september og október. Þetta sýna tölur sem bókunarsíðan Booking.com hefur tekið saman fyrir Túrista. Engin önnur þjóð hefur nú þegar tekið frá eins marga bílaleigubíla hér á landi fyrir haustið.

Í öðru sæti eru Bretar, svo koma Þjóðverjar, Frakkar og Ítalir. En 43 prósent leigutaka ætla að ferðast um á jeppling en það er um tvöfalt hærra hlutfall af þess háttar bílum en vaninn er í öðrum löndum.

Tölur Booking.com sýna jafnframt að fólk bókar bílaleigubíla á Íslandi með lengri fyrirvara en almennt er. Þannig ganga flestir frá leigunni hér á landi með tveggja mánaða fyrirvara en á öðrum áfangastöðum láta flestir sé nægja að bóka bílinn innan við fjórum vikum fyrir brottför.

Þetta kann að vera vísbending um að margir horfi til Íslandsferðarinnar sem stórrar reisu sem nauðsynlegt sé að skipuleggja vel í stað þess að bóka á síðustu stundu.

Þess ber að geta að tölur Booking.com ná aðeins yfir viðskiptavini þessa umsvifamikla bókunarfyrirtækis og dótturfélagsins Rentalcars.com.

Nýtt efni

Brasilíski flugframleiðandinn Embraer greinir frá góðum gangi í pöntunum og afhendingu véla á fyrstu mánuðum ársins. Mestur var fögnuðurinn í höfuðstöðvunum í São José dos Campos þegar American Airlines staðfesti kaup á 90 farþegaþotum af gerðinni E175, sem verða notaðar í innanlandsflugi og eru hluti af stórri endurnýjun flugflota félagsins. E175 eru meðaldrægar vélar, oftast …

Faxaflóahafnir héldu vorfund sinn fyrir helgi til að kynna fyrirtækjum í ferðaþjónustu skipulag sumarsins við móttöku skemmtiferðaskipa, sem tekur mið af því raski sem verður vegna byggingar farþegamiðstöðvar Faxaflóahafna. Þeim framkvæmdum á að ljúka að tveimur árum liðnum, eins og FF7 greindi nýverið frá. Fram kom á fundinum að gert er ráð fyrir rúmlega 308 …

Fréttaveitan Bloomberg sagði frá því á dögunum að mikil úlfúð ríkti í alþjóðlegu kolefnisvottunarsamtökunum Science Based Targets initiatives, eða SBTi.  Fyrirtæki um allar koppagrundir hafa lengi reitt sig á vottanir frá SBTi þegar þau hafa fullyrt að þau stefni að kolefnishlutleysi.  Yfirleitt er kannski lítil ástæða til þess að fólk kippi sér upp við slæman starfsanda og …

Þegar lent er á flugvelli á ESB-svæðinu bíður farþeganna ekki verslun með tollfrjálsan varning við töskubeltin. Þess háttar er aðeins í boði fyrir brottför. Í Evrópuríkjum utan ESB gefst hins vegar tækifæri til að kaupa ódýrara áfengi við komuna eins og við þekkjum frá Keflavíkurflugvelli. Þeir sem nýta tollinn sinn þar til að kaupa léttvín …

Þrjár þotur Loftleiða munu næstu misseri fljúga viðskiptavinum erlendra ferðaskrifstofa hringinn í kringum heiminn. Um borð eru sætin stærri og færri en í hefðbundnu áætlunarflugi enda kostar ferðalagið skildinginn. Hver farþegi borgar 25 milljónir fyrir ferðalag líkt og farið var yfir í fréttum Stöðvar 2.  Það er ekkert nýtt að Icelandair leigi þotu og áhöfn í …

Fyrir viku hélt Narendra Modi, forsætisráðherra Indlands, fund með helstu ráðgjöfum sínum, innanríkisráðherra og fulltrúum veðurstofu og almannavarna landsins til að ræða viðbrögð við hitatíðinni framundan, frá apríl til júní. Sérstaklega er talin ástæða nú til aðgæslu vegna áhrifa loftslagsbreytinga á veðurfar. Verulegar líkur eru taldar á að hiti fari fram úr venjulegum hámarkshita í …

Frumvarp um að veita þúsundum óskráðra innflytjenda á Spáni heimild til landvistar og atvinnu er nú til meðferðar í fulltrúadeild spænska þingsins (Congreso de los Diputados) eftir að 700 þúsund manns höfðu undirritað áskorun um setningu laga þessa efnis. Nærri 900 samtök studdu þessa áskorun um að breyta stöðu óskráðra útlendinga í landinu.  Ef fyrirliggjandi …