Samfélagsmiðlar

Íslandsflug verður í fyrsta sinn hluti af vetraráætluninni

Stærsta flugfélagasamsteypa Evrópu bætir við ferðum til Íslands í vetur.

Umsvif Lufthansa Group á Keflavíkurflugvelli munu aukast í vetur.

Nú er sumarvertíðin í fullum gangi en það hefur reynst flugfélögum víða brösuglega að halda áætlun og fjöldi flugferða felldur niður með stuttum fyrirvara. Stjórnendur flugfélaga eiga þó von á því að ástandið batni með haustinu en núna er unnið að því að leggja lokahönd á áætlun næsta vetrar.

Og hjá austurríska flugfélaginu Austrian hefur verið tekin ákvörðun um að fljúga tvisvar í viku til Keflavíkurflugvallar frá Vínarborg fyrstu þrjá mánuði næsta árs. Þetta verður í fyrsta sinn sem þetta stærsta flugfélag Austurríkis býður upp á áætlunarflug til Íslands á þessum tíma árs.

Flogið verður héðan aðfaranótt fimmtudags og sunnudags og lent í morgunsárið í höfuðborg Austurríkis.

Með þessari viðbót munu farþegar á Keflavíkurflugvelli hafa úr að velja ferðum tveggja flugfélaga til Vínarborgar því Wizz Air heldur úti beinu flugi á þessari leið allt árið um kring. Útgerð Icelandair og Play í Austurríki takmarkast aftur á móti við eina ferð í viku til Salzburg með íslenska skíðakappa.

Austrian er hluti af Lufthansa Group en umsvif samsteypunnar hafa verið að aukast á Keflavíkurflugvelli yfir vetrarmánuðina. Í fyrra flugu til að mynda þotur hins svissneska Edelweiss hingað frá Zurich í fyrsta sinn og í vetur ætlar Eurowings að spreyta sig á áætlunarflugi til Íslands frá Dusseldorf líkt og Austrian áformar að gera.

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …