Samfélagsmiðlar

Mun hærri tekjur af hverjum farþega

Icelandair var réttum megin við núllið síðustu þrjá mánuði. Farþegatekjurnar drógust hlutfallslega minna saman en framboðið. Eldsneytisreikningurinn var aftur á móti hærri en áður.

Hátt í eitt þúsund starfsmenn voru ráðnir til starfa hjá Icelandair á síðasta ársfjórðungi.

Hagnaður Icelandair nam 496 milljónum króna í apríl til júní í ár en til samanburðar var hagnaðurinn um sjö hundruð milljónum hærri á sama tíma árið 2017 en það ár var Icelandair síðast rekið með hagnaði. Í samanburði við tímabilið sem litaðist af Covid-19 er framförin mikil.

Umsvifin flugfélagsins hafa líka aukist verulega að undanförnu og framboð á öðrum ársfjórðungi var fjórðungi minna en á sama tíma árið 2019 og farþegunum fækkaði um 27 prósent. Farþegatekjurnar drógust hlutfallslega mun minna saman eða um ellefu prósent í bandaríkjadollurum talið þannig að tekjur Icelandair af hverjum farþega hafa verið töluvert hærri en áður.

Á móti kemur að eldsneytisútgjöld félagsins voru mun meiri því Icelandair borgaði 13,9 milljarða króna fyrir eldsneyti síðustu þrjá mánuði eða um 2,6 milljörðum kr. meira en á sama tíma árið 2019. Það kemur þó fram í uppgjöri flugfélagsins að eldneytisreikningurinn hefði hækkað um 2,7 milljarða króna ef ekki hefði verið fyrir sparneyttari Boeing Max þotur. Það eru aftur á móti ekki sæti fyrir eins marga í nýju þotunum þannig að eldsneytisreikningurinn deilist í raun á færri farþega.

Bogi Nils Bogason, forstjóri Icelandair, segir í tilkynningu að útlitið í rekstrinum sé gott og hann gerir ráð fyrir hagnaði á seinni hluta ársins. Tapið á fyrri helmingi ársins nam 5,9 milljörðum króna.

„Horfurnar fyrir þriðja ársfjórðung eru góðar og bókunarstaða sterk. Við gerum ráð fyrir að flugáætlun okkar í þriðja ársfjórðungi muni ná 83 prósent af framboði félagsins á sama tíma 2019 og um 90 prósent af framboðinu 2019 í fjórða ársfjórðungi, þrátt fyrir að óvissa ríki enn í rekstrarumhverfinu. Það er ánægjulegt að sjá mikla eftirspurn eftir ferðum til Íslands og að vægi tengifarþega sé jafnframt að aukast. Þá eru horfurnar góðar fyrir frakt- og leiguflugstarfsemi okkar.”

Nýtt efni

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …