Samfélagsmiðlar

SAS sækir um gjaldþrotavernd vestanhafs

Hollendingurinn Anko van der Werff er forstjóri SAS.

Skandinavíska flugfélagið SAS hefur sótt um greiðslu­stöðvun í Bandaríkjunum eða svokallaða Chap­ter 11 til­hög­un en hún gefur fyrirtækjum í greiðslu­vanda ráðrúm til fjárhagslegrar endurskipulagningar. Um þetta var tilkynnt nú í morgun, tæpum sólarhring eftir að um helmingur flugmanna SAS lagði niður störf.

Í tilkynningunni segir að fordæmi séu fyrir því að alþjóðleg flugfélög nýti sér bandarísku leiðina til að ráðast í fjárhagslega endurskipulagningu en stjórnendur SAS kynntu fyrr á árinu áform lækkun rekstrarkostnaður um nærri 100 milljarða króna á ári. Einnig er lagt upp með að kröfuhafar breyti stærstum hluta skulda í hlutafé og tvær stærstu kröfuhafarnir, sænska og danska ríkið, hafa gefið samþykki sitt fyrir því.

Þegar þessari fjárhaglegu endurskipulagningu er lokið er ætlunin að efna til hlutafjárútboðs þar sem safna á að lágmarki 124 milljarða króna.

Sjóðir SAS tæmast hratt þessa dagana að mati sérfræðinga og sérstaklega nú þegar félagið þarf að aflýsa stórum hluta brottfarar vegna verkfalls flugmanna. Af þeim sökum eru stjórnendur SAS nú í viðræðum við lánastofnanir um fjármögnun til að koma félaginu í gegnum bandaríska greiðslustöðvunarferlið. Samkvæmt tilkynningu er þar stefnt að lántöku upp á 7,2 milljarða sænskra króna en sú upphæð jafngildir um 94 milljörðum íslenskra króna.

Danska og sænska ríkið eru í dag stærstu hluthafar SAS með um 22 prósent hlut hvort um sig. Danska ríkisstjórnin hefur gefið út að þar sé vilji til að taka þátt í hlutafjárútboði en Svíar ætla ekki að setja meira fé í rekstur þessa stærsta flugfélags Norðurlanda.

Nýtt efni

Undirbúningur er á lokastigi um að koma á fót ævintýramiðstöð á Suðurlandi, þar sem gistiaðstaða og þjónusta verður tengd þjónustu, gönguferðum og útivist ævintýragjarnra ferðamanna. Ferðafólk, statt við Skógafoss, í ævintýraleit á Suðurlandi - MYND: ÓJ „Það koma stundum mjög athyglisverð verkefni, eins og þegar reynslumikill aðili úr ævintýraferðaþjónustu, sem hefur verið í slíkum rekstri …

Það er auðvitað eðlilegt að Barselóna, höfuðborg Katalóníu, dragi til sín mikinn fjölda ferðafólks. Borgin er fögur, sögurík og spennandi - en líka dálítið þreytt orðin á öllum þessum vinsældum, hömlulausum gestaganginum. Á síðasta ári gistu yfir 12 milljónir manna borginni, um sjö prósentum færri en 2019. Við bætast síðan allir þeir sem koma í …

Argentíski víniðnaðurinn hefur átt erfitt uppdráttar síðustu ár vegna óðaverðbólgu, óstöðugs gengis og minnkandi útflutnings. Það virðist þó heldur vera að lyftast brúnin á vínframleiðendum og virðast þeir helst þakka það harkalegri aðhaldsstefnu öfgakennda frjálshyggjumannsins Javier Milei, sem tók við forsetaembættinu í Argentínu í desember. Það tók strax að hægja á verðbólgu á fyrstu mánuðum …

Árið 2023 var 4.240 bókum bætt á lista yfir bannaðar bækur í Bandaríkjunum. Aldrei fyrr hafa jafn margar bækur verið bannaðar á einu ári. En á síðustu árum hefur þeim bókum sem settar eru á þennan bannlista fjölgað ár frá ári. Afleiðingin er sú að aðgengi að bókunum er takmarkað og þær eru fjarlægðar af …

Clive Stacey hefur skipulagt ferðir fyrir Breta til Íslands í áratugi en ferðaskrifstofa hans, Discover the World, hefur fleiri áfangastaði á boðstólum. Og kannski sem betur fer, því nú hefur eftirspurn eftir Íslandsreisum dregist saman. „Í fyrsta sinn í 40 ára sögu fyrirtækisins höfum við selt fleiri ferðir til Noregs en til Íslands. Fyrirspurnum um …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Við þessa breytingu lagðist tímabundið niður sala á gjaldeyri á Keflavíkurflugvelli þar sem Change Group hafði ekki fengið tilskilin leyfi til að sinna gjaldeyrisviðskiptum hér …

„Við erum hörkuánægð með þessa leið," segir Tómas Ingason, framkvæmdastjóri tekju-, þjónustu- og markaðssviðs Icelandair, aðspurður áhugaverðar farþegatölur frá í Raleigh-Durham í Norður-Karólínu. Þær sýna að 5.443 farþegar nýttu sér ferðir Icelandair til og frá flugvellinum í mars sl. sem þýðir þoturnar hafi verið þéttsetnar í nánast hverri ferð enda var sætanýtingin 94 prósent að …

Árið 1990 voru 60 prósent allra viðskipta í smásöluverslunum í Danmörku lokið með greiðslu peningaseðla. Búðirnar tóku á þessum árum fúslega við krumpuðum peningaseðlum og gáfu til baka annað hvort með öðrum jafn sjúskuðum peningaseðlum eða nýstraujuðum seðlum beint úr hirslum Seðlabankans.  Í dag, rúmum þrjátíu árum síðar, enda einungis 9 prósent innkaupa með greiðslu peningaseðla. …