Samfélagsmiðlar

Þýskir ferðamenn jafn margir og þegar mest lét

Þrátt fyrir að dregið hafi verið úr ferðum hingað til lands frá Þýskalandi þá fjölmenna Þjóðverjar til landsins.

Ferðafólk í Reynisfjöru.

Sumarið 2018 komu hingað rúmlega 800 þúsund erlendir ferðamenn en hvorki fyrr né síðar hafa þeir varið jafn margir. Hlutfall þýskra túrista í hópnum var hins vegar óvenju lágt þessa sumarvertíð því ríflega sextán þúsund færri Þjóðverjar skiluðu sér til landsins í samanburði við sumarið 2017.

Á þessum samdrætti eru helst tvær skýringar.

Sú fyrri er töluverð styrking íslensku krónunnar á milli ára en Þjóðverjar eru viðkvæmari fyrir verðbreytingum en margar aðrar þjóðir.

Það sem hafði líklega ennþá meiri áhrif var gjaldþrot Airberlin haustið 2017 en þetta þýska flugfélag var mjög stórtækt á Keflavíkurflugvelli. Sumarið fyrir rekstrarstöðvun flugu þotur Airberlin nærri tvö hundruð ferðir til Keflavíkurflugvallar samkvæmt talningu Túrista. Um borð voru sæti fyrir um 34 þúsund farþega og miðað við eðlilega sætanýtingu má gera ráð fyrir að Airberlin hafi flutt hingað til lands að minnsta kosti 25 þúsund ferðamenn frá Þýskalandi þetta sumar. Það jafngildir því að um einn af hverjum þremur Þjóðverjum sem heimsótti Ísland var í raun farþegi þýska félagsins.

Gjaldþrot Airberlin var því högg fyrir íslenska ferðaþjónustu en nú er fjöldi Þjóðverja hér á landi að ná fyrri hæðum. Í nýliðnum júní flug rúmlega 21 þúsund þýskir farþegar frá landinu eða jafn margir og þeir voru í júní 2017 eins og sjá má hér fyrir neðan.

Þessi uppsveifla er meðal annars áhugaverð fyrir þær sakir að nú hefur gengi krónunnar styrkst umtalsvert og eins varð niðurskurður á flugi til Íslands frá Þýskalandi stuttu fyrir sumarvertíð. Play hætti við að halda úti ferðum til Stuttgart og ekkert varð af Íslandsflugi Eurowings frá Hamburg.

Framboð á flugi hingað frá Þýskalandi er engu að síður mikið. Icelandair heldur úti ferðum til fjögurra þýskra borga, Play flýgur daglega til Berlín og þotur Lufthansa koma hingað frá Frankfurt og Munchen. Einnig er í boði flug frá Dusseldorf á vegum Eurowings og eins leiguflug frá Leipzig.

Ferðafólk í Reynisfjöru
Nýtt efni

Notkun á sjálfbæru eldsneyti er besta leiðin til að draga hratt úr losun frá flugsamgöngum, segir Willie Walsh, framkvæmdastjóra Alþjóðasambands flugfélaga, IATA. Hann ræddi mikilvægi þess að minnka losun í ávarpi sínu á flugmálaráðstefnu Changi í Singapúr í vikunni.  Willie Walsh undirstrikaði í ávarpi sínu að flugheimurinn stefndi staðfastlega að kolefnishlutleysi árið 2050: „Við megum …

Vesturland er í útjaðri meginstraums erlendra ferðamanna sem koma til Íslands. Flestir eru þeir á Suðvesturlandi, fara Gullna hringinn og meðfram suðurströndinni - en auðvitað aka margir þeirra eftir Hringveginum í gegnum Borgarfjörð eða halda upp á Snæfellsnes - og áfram sem leið liggur til Vestfjarða með ýmsum útúrdúrum. Við ætlum sem sagt ekki að …

Gott símasamband í höfuðborg Bretlands byggði lengi á hinum 177 metra háa BT Tower sem kenndur var við eigandann, British Telecom. Turninn varð hæsta mannvirkið í London þegar hann var reistur af símafyrirtækinu árið 1964. Það var ekki fyrr en 16 árum síðar að annað mannvirki í London fór upp fyrir þetta símamastur sem einnig …

Velta í ferðaþjónustu í nóvember og desember í fyrra var nærri óbreytt miðað við sama tíma árið 2022 eða rúmlega 121 milljarður króna. Ef veltan hefði verið í takt við verðbólgu og fjölgun gistinátta ferðamanna þá hefði hún verið um 13 milljörðum kr. hærri. Af undirgreinum ferðaþjónustunnar þá var veitingareksturinn sá eini sem hélt í …

Bandaríski fjárfestingasjóðurinn Bain Capital Credit varð langstærsti hluthafinn í Icelandair í júní 2021 og á nú 17,2 prósenta hlut. Sjóðurinn hefur fjárfest fyrir 10,4 milljarða króna í flugfélaginu en fengi rétt 7,5 milljarða fyrir hlutinn í dag. Mismunurinn nemur nærri 3 milljörðum króna en gengi hlutabréfa í Icelandair hefur lækkað um 18 prósent frá því …

Tölur sem Kóperníkus, lofthjúpsvöktunaþjónusta Evrópusambandsins, og ítölsku umhverfisverndarsamtökin Legambiente kynntu nýlega sýna að í Mílanó mælist svifryk og önnur loftmengun áfram hvað mest í allri Evrópu. Nú er loks rætt um það af yfirvöldum í Mílanó og nærliggjandi borgum og bæjum á Langabarðalandi að grípa einhverra aðgerða - eins og að takmarka notkun á mest …

Þátttaka hins opinbera í rafbílakaupum landsmanna er nú með breyttu sniði. Í stað skattaafsláttar upp á 1,3 milljónir króna, sem dreginn var frá söluverði nýrra rafbíla, þá verða kaupendur bílanna að greiða fullt verð í umboðinu og sækja svo um 900 þúsund króna styrk hjá Orkustofnun í framhaldinu. Þessi breyting var gerð um síðustu áramóti …

Sá sem kaupir ódýrasta fargjaldið hjá Icelandair, Economy Light, þarf að borga aukalega fyrir innritaðan farangur. Áður var töskugjaldið 5.280 krónur en nú þarf að borga allt að 6.600 krónur undir farangurinn aðra leið. Hækkunin nemur 25 prósentum og svo mikil eru hún líka ef innrita á skíði. Flutningur á þeim kostar núna allt að …