Samfélagsmiðlar

Verkfall hafið

Áætlunarflug SAS hingað til lands frá Noregi mun líklegast stöðvast en öðru máli gegnir um flugið frá Kaupmannahöfn.

Aflýsa þarf um helmingi allra flugferða SAS frá og með deginum í dag vegna verkfalls flugmanna sem hófst nú í hádeginu að skandinavískum tíma. Þær flugferðir sem eru á vegum dótturfélaga SAS verða með óbreyttum hætti enn sem komið er en kjaradeilan snýst einmitt um starfsemi þessara nýju dótturfélaga.

Stjórnendur SAS vilja færa flugreksturinn að öllu leyti úr móðurfélaginu sjálfu og þar með ráðningasamninga flugmanna. Þetta vilja stéttarfélög flugmanna í Noregi, Svíþjóð og Danmörku ekki sætta sig við og boðuðu því til verkfalls frá og með miðvikudeginum í síðustu viku. Fresturinn var svo framlengdur til dagsins í dag en nú er ljóst að viðræðurnar skiluðu ekki árangri.

Í tilkynningu frá SAS segir að þessar aðgerðir muni hafa áhrif á ferðir um þrjátíu þúsund farþega á degi hverjum. Anko van der Werff, forstjóri SAS, segir verkfallið líka stefna í hættu um átta þúsund störfum enda sé fjárhagsstaða flugfélagsins erfið eins og áður hefur verið rakið.

SAS flýgur daglega til Keflavíkurflugvallar frá bæði Ósló og Kaupmannahöfn en ferðirnar frá þeirri fyrrnefndu mun líklega falla niður ef verkfallið heldur áfram samkvæmt því sem fram kemur á heimasíðu SAS. Íslandsflug félagsins frá Kaupmannahöfn verður aftur á móti á áætlun því þær ferðir heyra undir dótturfélagið SAS Connect.

Flugmenn SAS lögðu líka niður vinnu vorið 2019 og þá varði verkfallið í eina viku og kostaði flugfélagið milljarða króna.

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …