Samfélagsmiðlar

Vonast til að verkfalli ljúki í dag

Áfram er fundað í vinnudeilunni hjá SAS.

SAS í Asíuflugi

Nú í morgunsárið hófust samningaviðræður milli flugmanna SAS og stjórnenda flugfélagsins á ný en tvær vikur liðnar frá því að um helmingur flugmanna félagsins fór í verkfall. Af þeim sökum hefur stórum hluta ferða félagsins verið aflýst, þar af sextán brottförum frá Keflavíkurflugvelli. Talið er að verkfallið kosti SAS um hátt í tvo milljarða króna á dag.

„Vonir standa til að samkomulag náist í dag. Við sitjum þangað til það er í höfn og vonandi gerist það í dag,“ sagði Martin Lindgren við blaðamenn í morgun en hann fer fyrir stéttarfélagi flugmanna í Svíþjóð.

Og sænski sáttasemjarinn Claes Stråth var líka bjartsýnn í byrjun fundar og benti á að nú þegar hefði náðst samkomulag um stóran hluta af þeim 25 atriðum sem deilt væri um.

Megin ágreiningurinn í vinnudeilunni snýst um áform stjórnenda SAS um uppstokkun á flugrekstri félagsins. Ætlunin er að flytja þann hluta starfseminnar í ný dótturfélög og þar með alla ráðningasamninga við áhafnir. Á sama tíma er gerð krafa um að flugmenn vinni meira en áður fyrir sömu laun.

Formaður stéttarfélags norska flugmanna, Roger Klokset, segir í samtali við Dagens Nærlingsliv í dag að flugmenn séu í furðulegri stöðu.

„Þetta er í raun eins og nágranninn hafi stolið húsinu þínu og krefji þig um háa greiðslu fyrir að fá lyklana aftur. Á sama tíma logar hús nágrannans og þú verður að hjálpa honum að slökkva eldinn,“ útskýrir Klokset og vísar til þess að daginn eftir að flugmenn fóru í verkfall þá óskuðu stjórnendur SAS eftir gjaldþrotavernd fyrir bandarískum dómstólum.

Sú aðgerð er hluti af áætlun forráðamanna SAS að ná fram verulegum afskriftum á skuldum félagsins og þá helst hjá flugvélaleigum. Danska, sænska og norska ríkið hafa gefið vilyrði sitt fyrir því að breyta skuldum í hlutafé en ríkissjóðir landanna þriggja eru meðal helstu lánadrottna. Ríkissjóðir Danmerkur og Svíþjóðar eru jafnframt stærstu hluthafarnir með samtals 44 prósent hlut.

Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …