Samfélagsmiðlar

Munu „víxla út vélum“ í vetur

Flugferðum Play fjölgar ekki í takt við stækkun flugflotans nú í vetur. Birgir Jónsson, forstjóri Play, útskýrir málið og segir engin plön um hlutafjáraukningu.

Það verða samtals tíu þotur komnar í liti Play áður en næsta sumarvertíð hefst.

Vetraráætlun fluggeirans hefst formlega í lok október og þá fækkar áfangastöðunum og ferðirnar verða ekki eins tíðar. Flugfloti Play mun þó stækka á þessu tímabili því fjórar þotur bætast við á næstunni. Nú í sumar hefur félagið haft sex þotur en síðastliðinn vetur voru þær bara þrjár.

Flugfloti Play verður því ríflega þrefalt stærri í vetur en þann síðasta en flugáætlun félagsins gerir hins vegar ráð fyrir að fjöldi brottfara aukist hlutfallslega nokkru minna samkvæmt talningu Túrista.

Spurður út í notkunina á nýju þotunum þá segir Birgir Jónsson, forstjóri Play, að það sé ætlunin að „víxla út vélum“ í vetur. Nýju þoturnar fjórar verði flestar í geymslu erlendis en nýttar þegar núverandi flugvélar Play þurfa í reglubundnar viðhaldsskoðanir í vetur og eins þegar sætunum í þotunum verður fjölgað.

„Því verðum við með 6 vélar en ekki endilega alltaf sömu 6. Þetta er hluti af þeim kjörum sem við fengum í Covid, að vera með vélarnar en bera ekki kostnað fyrr en við byrjum að nota þær næsta vor. Við munum líka hafa eina hérna til að verjast töfum, bilunum og slíku sem getur komið upp þegar vetrarveðrin hefjast. Þetta tengimódel er viðkvæmt fyrir töfum og þá er gott að hafa auka vél til að grípa í,“ bætir Birgir við.

Play birti uppgjör fyrir annan fjórðung ársins á mánudag og þar mátti sjá að um fjörutíu prósent af rekstrarkostnaði flugfélagsins skrifast á kaup á eldsneyti. Olíuverð hefur lækkað nokkuð nú í sumarlok en er þó hátt í tvöfalt hærra en Play gerði ráð fyrir í þeirri rekstrarspá sem birt var fjárfestum í fyrra.

Forstjóri flugfélagsins segist þó aðspurður ekkert í plönum Play kalla á hlutafjáraukningu til að fjármagna reksturinn.

„Við erum ekki að gera ráð fyrir að olían lækki mikið eða hratt, það er ekki forsenda fyrir neinu hjá okkur, þó að það væri velkomið. En að sjálfsögðu ef allt fer á stað aftur í heimsmálunum og verðið eykst um tugi prósenta aftur og helst þar þá þarf eitthvað gera í því, minnka framboð, hækka verð og þess háttar. En það er ekkert í okkar plönum sem kallar á hlutafjáraukningu til að fjármagna reksturinn. Lausafjárstaðan núna, í lok annars fjórðungs, er lágpunktur í okkar plönum og okkur líður vel með „cash-stöðuna“ og framtíðina í þeim málum,“ svarar Birgir.

Handbært fé Play í lok annars fjórðung nam um 5,3 milljörðum kr. en til viðbótar átti félagið inni um 3,6 milljarða kr. hjá kortafyrirtækjum.

Nýtt efni

Margir sem eru að basla í ferðaþjónustu fjarri höfuðborgarsvæðinu horfa öfundaraugum til Suðurlands, sem nýtur nálægðar við Keflavíkurflugvöll og Reykjavík - og státar af áfangastöðum sem ferðamenn sækjast eftir að heimsækja og hafa verið mjög vel kynntir síðustu áratugi.   Það er stöðugur straumur ferðamanna um Suðurland, meðfram „gullströndinni,“ sem hótelhaldarinn fyrir austan nefndi svo - …

Löngu áður en hið svokallaða „Bulletproof“ kaffi leit dagsins ljós settu Tíbetar smjörklípu út í morgunteið sitt til að byrja daginn á rjúkandi og næringarríkan hátt. Í köldu háfjallalofti Himalaja-fjallanna hefur þessi salti, rjómakenndi og hitaeiningaríki drykkur orðið að daglegri hefð sem er ómissandi í matarmenningu þjóðarinnar.Á máli heimamanna nefnist drykkurinn „po cha,“ sem einfaldlega …

Í nærri fimmtán hafa Icelandair og bandaríska flugfélagið Jetblue átt í samstarfi sem gerir viðskiptavinum þeirra kleift að kaupa tengiflug með hinu félaginu á einum miða og innrita farangur alla leið. Þannig getur farþegi sem ætlar héðan til Orlando í sumar keypt farið alla leið hjá Icelandair þó flogið sé með Jetblue seinni legginn, frá …

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …