Samfélagsmiðlar

Vill verðlagningu flugfélaganna upp á borðið

Bandaríkjaforseti segist ætla að setja pressu á fluggeirann með því að auka rétt farþega, meðal annars til endurgreiðslu á aukagjöldum.

Það eru langt því frá aðeins lágfargjaldafélög sem rukka aukalega fyrir það sem áður var hluti af farmiðaverðinu.

Nú í sumar biðluðu bandarísk stjórnvöld til flugfélaga að bjóða börnum sæti við hlið forráðamanns án aukagreiðslu. Sum flugfélög tryggja nefnilega ekki foreldrum, sem bóka ódýrustu miðana, sæti samsíða börnunum nema borgað sér sérstaklega fyrir og er Icelandair eitt þeirra félaga sem hefur tekið upp þessa stefnu.

Nú vilja ráðamenn í Hvíta húsinu ganga lengra í að auka rétt flugfarþega því í gær boðaði Joe Biden, Bandaríkjaforseti, nýjar reglur sem kveða á um að aukagjöldin, sem flugfélög leggja ofan á auglýst farmiðaverð, verði sýnilegri á bókunarsíðum. Það verði að liggja fyrir í upphafi hvað greiða þarf aukalega fyrir töskur, breytingar og val á sætum en vanalega koma þessar upplýsingar ekki fram fyrr en í seinni skrefum bókunarferlisins.

Með þessari breytingu segist Bandaríkjaforseti vera að einfalda verðsamanburð og gera fólki kleift að velja hagstæðasta flugið samkvæmt því sem fram kemur í tísti frá Hvíta húsinu.

Þrýstisamtök flugfélaga í Bandaríkjunum, Airlines for America, var snögg að bregðast við þessari gagnrýni forsetans og sendu í gær frá sér yfirlýsingu þar sem fram kemur að samkeppni í flugi vestanhafs sé hörð og verðlagning flugfélaganna gegnsæ.

Samgönguráðherra Bandaríkjanna, Pete Buttigieg, hefur áður gefið út að flugfélög verði að bæta þjónustuna og vísaði þar sérstaklega til þeirrar staðreyndar að í sumar riðluðust áætlanir flugfélaga óvenju oft.

Bandaríska samgönguráðuneytið hefur einnig lagt til reglur um aukinn rétt farþega til endurgreiðslu, til að mynda á töskugjöldum ef farangri seinkar og eins á þóknun fyrir aðgang að þráðlausu neti ef sú þjónusta virkar ekki.

Nýtt efni

Biðinni er brátt lokið og eftirvæntingarfullir aðdáendur írska rithöfundarins Sally Rooney getað andað léttar því að í liðinni viku var tilkynnt af The Wylie Agency, umboðsskrifstofu rithöfundarins, að ný bók væri væntanleg frá henni þriðjudaginn 24. september 2024.  Alex Bowler, talsmaður Faber & Faber, enska forlags rithöfundarins, sendi líka frá sér tilkynningu í tilefni af væntanlegri  …

Farþegar á Keflavíkurflugvelli gátu að jafnaði valið á milli nærri 10 brottfara á dag til höfuðborgar Bretlands í síðasta mánuði. Þetta er viðbót um eina ferð frá sama tíma í fyrra ef tillit er tekið til þess að nú er hlaupaár. London var sú borg sem oftast var flogið til frá Keflavíkurflugvelli í febrúar samkvæmt …

Það er bannað að auglýsa vín á Íslandi - nema auðvitað í amerískum samfélagsmiðlum og þeim erlendu vefsíðum sem íslenskir lesendur heimsækja. Áfengisauglýsingar eru hinsvegar mikilvæg tekjulind fjölmiðla í löndum allt í kringum okkur enda býr áfengisiðnaðurinn yfir miklu fjármagni og vill viðhalda áhuga neytenda á öllum aldri á þessum viðurkennda en varasama vímugjafa. FF7 …

Með hjálp málgreiningarforrits og athugun á orðanotkun hefur Lapo Lappin komist að því að tvær af vinsælustu bókum Camillu geta varla verið skrifaðar af höfundinum sjálfum og bendir Lappin á að textinn líkist mjög textum eftir annan rithöfund, Pascal Engman. Sjálf neitar Camilla (og það gerir Pascal einnig) öllum ásökunum og telur þær vera ávöxt öfundar …

Stundum fer rás atburða í hring. Flugvélasmiðja Spirit í Wichita var sett á stofn af Stearman Aircraft árið 1927 en tveimur árum síðar eignaðist United Aircraft and Transport Corporation fyrirtækið og rak til ársins 1934. Þá tók Boeing við rekstrinum og í heimsstyrjöldinni síðari, árið 1941, varð Spirit deild innan Boeing. Þannig hélst fyrirkomulagið til …

„Ég er búinn að vera í björgunarsveit í að verða 15 ár og í öllum útköllum tók ég Beef Jerky, þurrkað nautakjöt frá Bandaríkjunum, með mér sem nesti í neyð. Ég gekk til dæmis einu sinni þvert yfir landið, frá Reykjanestá yfir á Langanes og fyrir þá ferð gerði ég mikla leit að góðu, íslensku …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …