Samfélagsmiðlar

Fargjöldin miklu hærri en áður

Þrátt fyrir að farþegar Icelandair hafi verið nokkru færri nú í sumar en fyrir Covid-19 þá voru tekjur af farmiðasölu mun hærri en þá var. Félagið greiddi aftur á móti miklu meira fyrir eldsneyti að þessu sinni.

Icelandair skilaði hagnaði upp á nærri 58 milljarða bandaríkjadollara á þriðja ársfjórðungi en félagið gerir upp í þeirri mynt. Hagnaðurinn jafngildir um 8 milljörðum króna ef miðað er við meðalgengi dollara gagnvart krónu. Hagnaðurinn af rekstri (Ebit) nam 12,9 milljörðum kr.

Niðurstaðan er mun betri en á sama tíma í fyrra þegar Covid-19 faraldurinn hafði ennþá áhrif á ferðir milli landa. Ef horft er til áranna 2017 til 2019 þá var hagnaðurinn hærri, í dollurum talið, á þriðja fjórðungi öll þessi ár. Núna voru tekjur Icelandair af sölu flugmiða hins vegar miklu hærri jafnvel þó farþegarnir hafi verið færri.

Icelandair nýtur nefnilega þess, líkt og fluggeirinn almennt, að neytendur hafa að undanförnu verið tilbúnir til að borga mun meira fyrir ferðalög en áður. Farmiðatekjur Icelandair á hvern farþega voru þannig um fimmtungi hærri núna en á þriðja ársfjórðungi 2017 og 2018. Að jafnaði borgaði hver og einn farþega um 250 dollara á þriðja fjórðungi þessi tvö ár en núna 303 dollara.

Þegar þessar upphæðir eru umreiknaðar í krónur, miðað við meðalgengi á hverju tímabili fyrir sig, þá sést að meðalfargjaldið núna nam um 42 þúsund krónum en var 16 þúsund krónum lægra á þriðja ársfjórðungi 2017 en það ár skilaði Icelandair síðast hagnaði. Hækkunin er mun meiri en sem nemur almennum verðlagshækkunum hér á landi.

Þess ber að geta að ekki er hægt að gera samanburð við stöðuna árið 2019 því þá bókfærðu stjórnendur Icelandair skaðabætur frá Boeing sem farþegatekjur.

Á sama tíma og tekjurnar hafa rokið upp þá er olíuverð í hæstu hæðum og eldsneytiskostnaður flugfélaga hefur aukist. Á þriðja ársfjórðungi keypti Icelandair eldsneyti fyrir um 19 milljarða króna sem er hækkun um rúmlega 8 milljarða króna frá sama tíma árið 2018. Þá voru umsvifin hins vegar meiri.

Í tilkynningu frá Icelandair segir að sjóðir félagsins hafi aldrei áður verið eins digrir á þessum tíma árs en lausafjárstaðan nam um 46 milljörðum króna um síðustu mánaðamót.

„Við jukum flugframboð okkar í sem nemur 82 prósentum af framboði ársins 2019 og tvöfölduðum fjölda farþega á milli ára. Það er virkilega ánægjulegt að sjá hvernig tengiflug yfir hafið hefur náð fyrri styrk hjá okkur eða um 43 próesnt af heildarfjölda farþega í fjórðungnum. Jafnframt styrktum við sölu í Saga farrými og náðum þar með betri sætanýtingu þar en fyrir faraldurinn. Þá héldu bæði fraktflutninga- og leiguflugsstarfsemi okkar áfram að styðja við heildartekjuöflun félagsins,“ skrifar Bogi Nils Bogason, forstjóri Icelandair, í tilkynningu.

Forstjórinn bætti því við að bókunarstaðan síðustu þrjá mánuði ársins væri sterk en sagði félagið undirbúið undir mótvind í vetur.

„Rekstrarumhverfið verður áfram krefjandi með hækkandi vöxtum og kostnaði sem líklegt er að hafi áhrif á eftirspurn. Við erum þó sannfærð um að það eru áfram mikil tækifæri fyrir Ísland sem áfangastað. Icelandair byggir á sterkum grunni, með sterka lausafjárstöðu sem og öflugt leiðakerfi og sveigjanleika sem gerir okkur kleift að hreyfa okkur hratt og aðlaga þjónustu okkar og starfsemi að aðstæðum hverju sinni,“ sagði Bogi að lokum.

Nýtt efni

Um síðustu mánaðamót var greint frá því á borgarvef Amsterdam að innan marka hennar væri að finna 10 snjalldælur sem ökumenn gætu nýtt sér án endurgjalds. Það sem greinir snjalldælu frá þessum hefðbundnu, sem ökumenn geta nálgast víða til að dæla lofti í bíldekkin, er að þær tryggja að þrýstingur sé réttur. Margir ökumenn hafa …

Eins og raunin var í gær, þá fá ferðamenn ekki að fara upp á Akrópólishæðina í Aþenu um miðjan daginn vegna óvenjulega mikils hita miðað við árstíma. Engum verður hleypt upp á hæðina frá hádegi til klukkan fimm síðdegis. Sama gildir um aðra fornleifastaði í landinu, sem ferðamenn sækjast eftir að skoða. Allir sem hafa …

Í byrjun síðasta vetrar hóf Easyjet að fljúga tvisvar í viku milli London og Akureyrar. Aldrei áður höfðu áætlunarferðir verið í boði á þessari flugleið og íbúar á Norðurlandi tóku þessari nýjung fagnandi og voru í meirhluta sætanna í þotum breska flugfélagsins. Þetta mátti sjá á tölum norðlenska gististaða því breskum gestum fjölgaði ekki ýkja …

Ákvörðun Evrópusambandsins um að leggja allt að 38,1 prósents viðbótartoll á kínverska rafbíla vekur áhyggjur margra í alþjóðlega viðskiptaheiminum. Verndartollum er ætlað að hemja samkeppni að utan, reisa varnir á heimavelli, en leiða auðvitað gjarnan til þess að mótaðilinn svarar fyrir sig. Það óttast einmitt evrópskir framleiðendur, sem háðir eru viðskiptum við Kína, að gerist …

Vorið 2021, stuttu áður en Play fór í loftið í fyrsta sinn, efndi félagið til hlutafjárútboðs þar sem söfnuðust 10 milljarðar króna. Í kjölfarið voru bréfin skráð á First North Growth í Kauphöllinni en um þann markað gilda ekki eins strangar reglur og Aðalmarkað Nasdaq. Í tengslum síðustu hlutafjáraukningu, sem lauk í apríl síðastliðnum, var …

Viðskiptastríð vesturveldanna og Kína heldur áfram að þyngjast því fyrr í dag gaf Evrópusambandið út að 38,1 prósent innflutningstollar yrðu lagðir á kínverska rafbíla frá og með næsta mánuði. Sú hækkun bætist við þann 10 prósent toll sem í dag ríkir á innflutning rafbíla frá Kína til aðildarríkja ESB. Þessi viðbótartollur hefur verið yfirvofandi síðustu …

Það var í júní 2014 sem breska lággjaldaflugfélagið Flybe, sem nú er gjaldþrota, hóf áætlunarflug til Íslands frá Birmingham. Flugleiðin stóð ekki undir væntingum stjórnenda Flyby og var lögð niður eftir níu mánuði. Þá tók Icelandair við keflinu og hélt úti tíðum ferðum milli Íslands og þessarar næstfjölmennustu borgar Bretlands fram í ársbyrjun 2018. Síðan …

Í Bandaríkjunum eru lestarsamgöngur ekki eins góðar og í Evrópu og þurfa þeir sem ætla að sækja komandi landsfundi Demókrata og Repúblikana annað hvort að keyra eða fljúga á fundarstað. Af þeim sökum hefur bandaríska flugfélagið United Airlines bætt við 118 flugferðum til og frá Chicago í ágúst í tilefni af landsfundi Demókrata. Repúblikanar hittast …