Samfélagsmiðlar

Finnair orðið verðmætara en Icelandair á ný

Horft yfir farþegarými í einni af Airbus breiðþotum Finnair.

Eftir lokun Kauphallarinnar á fimmtudag birtu stjórnendur Icelandair uppgjör fyrir þriðja ársfjórðung og niðurstaðan var hagnaður upp á um 8 milljarða króna. Mettekjur af farmiðasölu og hátt eldsneytisverð einkenndu uppgjörið.

Icelandair hefur aldrei áður fengið jafn mikið út úr hverjum og einum farþega en á sama tíma hækkaði eldsneytisreikningur félagsins umtalsvert og nam um 19 milljörðum króna fyrir júlí, ágúst og september.

Þegar Kauphöllin opnaði á föstudagsmorgun var stemningin á markaðnum þung vegna áforma fjármálaráðherra að setja gamla Íbúðarlánasjóðinn í slitameðferð. Hlutabréfin í Icelandair féllu svo mest allra í Kauphöllinni eða um fimm prósent.

Markaðsvirði flugfélagsins lækkaði því um tvo af hundraði í vikunni og nemur nú tæpum 76 milljörðum.

Þróunin var önnur hjá Finnair sem hækkaði í vikunni fór virði hlutafjár félagsins upp í 77 milljarða. Þar með er finnska félagið á ný orðið verðmætara en Icelandair en það íslenska hefur verið næstverðmætasta flugfélag Norðurlanda frá því í sumarlok.

Sem fyrr er Norwegian hæst metið en markaðsvirði þess er um 98 milljarðar í dag eins og sjá má hér fyrir neðan.

Hástökkvari vikunnar var aftur á móti SAS en áfram halda fjárfestar að kaupa og selja bréf í félaginu þrátt fyrir að núverandi hlutafé verði að langmestu leyti afskrifað í hlutafjárútboði sem ætlunin er að efna til á næsta vori. En áður en að því kemur þarf að klára fjárhagslega endurskipulagningu félagsins sem unnið er að í skjóli bandarískrar gjaldþrotaverndar.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …