Samfélagsmiðlar

Helmingi fleiri krónur fyrir hvern floginn kílómetra en eldsneytið tvöfalt dýrara

Icelandair eyddi að jafnaði nærri 210 milljónum króna á dag í þotubensín á þriðja fjórðungi ársins en 38 prósent af rekstrarkostnaði flugfélagsins á þessu tímabili mátti rekja til kaupa á eldsneyti.

Hlutfallið var 23 prósent á sama tíma í fyrra en verð á olíu hefur hækkað hratt frá því að innrás Rússa í Úkraínu hófst í lok febrúar síðastliðinn.

Icelandair gerir upp í bandaríkjadollar en þegar einingakostnaður (Cask) flugfélagsins er umreiknaður í krónur þá nam hann 10,3 krónum á hvern floginn sætiskílómetra á síðasta fjórðungi en var 8,5 kr. á sama tíma í fyrra. Þegar eldsneytiskaupin eru tekin út fyrir sviga þá stóð einingakostnaður félagsins í stað og nam um 6,4 krónum eins og sjá má hér fyrir neðan.

Þróunin var allt önnur tekjumegin. Einingatekjur Icelandair (Rask) námu nefnilega 12,8 krónum á þriðja fjórðungi sem er nærri helmingi hærri upphæð en fyrir ári síðan.

Þetta er til marks um mun hærra farmiðaverð en Bogi Nils Bogason, forstjóri Icelandair, hefur bent á að meira komi þar til. Þannig hafi betri nýting á sætum á Saga Premium haft mikið að segja.

Forstjórinn segir að í ljósi þess séu engar stórar breytingar í bígerð á Saga Premium en þetta fremsta farrými hjá Icelandair flokkast hvorki sem First Class eða Business Class.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …