Samfélagsmiðlar

Óvenju fáir Norðmenn en miklu fleiri Hollendingar

Þróunin í fjölda ferðamanna eftir þjóðum er ólík þegar nýliðinn september er borinn saman við árin fyrir heimsfaraldur.

Ferðafólk á Arnarhóli

Fjöldi ferðamanna í september var á pari við september 2016.

Það voru 177 þúsund manns sem sýndu erlend vegabréf þegar farið var í gegnum vopnaleitina á Keflavíkurflugvelli í september en þessi talning er notuð til að leggja mat á fjölda erlendra ferðamanna hér á landi.

Fyrir Covid-19 faraldurinn voru túristarnir fleiri í þessum mánuði en fjöldinn núna var á pari við september 2016. Í fyrra taldi hópurinn aðeins 108 þúsund manns þannig að framförin er mikil milli ára.

Þegar nýliðinn september er borin saman við sama tímabil árin 2019 og 2018 þá kemur í ljós að Hollendingar og Ítalir voru hér miklu fleiri núna en þá. Hollensku ferðamennirnir voru nærri tvöfalt fleiri og viðbótin frá Ítalíu nam 68 prósentum. Hjá báðum þjóðum er aukningin líka umtalsverð frá metárinu 2018.

Aftur á móti eru ferðamenn frá Kína, Japan og Rússlandi ennþá miklu færri en áður var eins og sjá má hér fyrir neðan.

Það vekur einnig athygli að norskum brottfararfarþegum fækkaði um 31 prósent í september sem er ekki í takt við þróunina í sumar. Þá stóð fjöldi Norðmanna í stað í samanburði við sumarvertíðina 2019. Flugumferð milli Íslands og Noregs er þó umtalsverð því þrjú félög halda úti áætlunarferðum frá Ósló til Keflavíkurflugvallar og svo bauð Icelandair upp á ferðir frá Bergen og Play frá Stafangri.

Nýtt efni

Lufthansa-flugsamsteypan tilkynnti í dag að flugferðum til Amman í Jórdaníu, Erbil í Kúrdahéruðum Íraks og Tel Aviv í Ísrael yrði frestað til þriðjudags og ekki yrði flogið til Beirút í Líbanon og Teheran í Íran a.m.k. til fimmtudags vegna stríðsógnarinnar og hernaðaraðgerða í Mið-Austurlöndum. Á flugvellinum í Amman í Jórdaníu - MYND: Unsplash/Cila Photography Reuters-fréttastofan …

Hjá Könglum er rík áhersla lögð á að nýta afurðir úr nærumhverfinu, hvort sem það eru jurtir, afgangar eða aukaafurðir bruggunarferlisins. Sjálfbær hugsun og skynsöm nýting náttúrunnar er auk þess í farabroddi þar sem aldrei er tekið meira en náttúran hefur að gefa, svo hún geti tekið við sér aftur eftir uppskeruna. Heitið Könglar varð …

Árið 2001 starfaði Khaled Hosseini sem heimilislæknir en stundaði bókaskrif í frístundum sínum. Hann vaknaði á hverjum morgni klukkan 4:30 og sat við eldhúsborðið yfir bókaskrifum fyrstu þrjár morgunstundirnar. Síðan fór hann í sturtu, klæddi sig og keyrði á læknastofuna til að meðhöndla sjúklinga sína. En sjálfur segir höfundurinn að allan þann tíma sem hann …

Icelandair tekur í notkun þrjár nýjar Boeing Max þotur fyrir sumarvertíðina og sú fyrsta er komin til landsins en hún er fengin af lager flugvélaframleiðandans í Seattle. Hinar tvær eru splunkunýjar og segir Guðni Sigurðsson, talsmaður flugfélagsins, að þær séu báðar komnar af færibandinu og nú fari fram lokaskoðun á þeim. Von er á þessum …

Íslendingar hafa líklega önnur viðmið um það hvað sé hæfilega margt fólk samankomið á einum stað en þjóðir sem vanar eru meiri mannþröng og umferðarþunga alla daga. Sjálfsagt er það eigingjarnt og sjálfmiðað að ætlast til þess að fá að ganga einsamall í friði og ró niður Almannagjá á Þingvöllum á góðum sumardegi. Þeir dagar …

Frestur til að skila inn tilboðum í 35 prósent hlut Landsbankans í Keahótelin, eina stærstu hótelkeðju landsins, rann út fyrir síðustu jól. Ennþá er söluferlið í gangi samkvæmt svari frá bankanum en engar nýjar upplýsingar er að fá um stöðuna. Hluturinn í Keahótelunum var auglýstur til sölu í lok nóvember í fyrra og þá sagði …

Wizz Air er meðal þeirra flugfélaga í heiminum sem losa minnst af CO2 og hefur fengið alþjóðlegar viðurkenningar fyrir viðleitni til sjálfbærni. Þessi árangur skýrist fyrst og fremst af því að ungverska félagið er með nýjan flugflota í þjónustu sinni, aðallega Airbus A321neo sem flestar eru innan við fimm ára gamlar. Þá hjálpa góð sætanýting …

Þessar niðurstöður komu í ljós í könnun sem Jacques Delors-stofnunin gerði í mars í þessum löndum, en niðurstöðurnar fóru ekki mjög hátt fyrr en The Guardian gerði þær að umtalsefni á dögunum. Niðurstöðurnar þykja nefnilega athyglisverðar í ljósi þess að mikið hefur verið rætt um að bakslag hafi orðið í stuðningi almennings í Evrópu við aðgerðir í umhverfismálum. Könnunin …