Samfélagsmiðlar

Borga meira. Dvelja lengur.

Flugfélög víða um heim breyta nú áætlunum sínum og bregðast við tilhneigingum á markaði eftir Covid-19 með nýjum ferðakostum. Þannig fjölgar stöðugt í hópi þeirra viðskiptamanna sem nú kjósa að lengja ferðir sínar, hverfa frá því að fara í eins dags viðskiptaferðir.

Reuters-fréttastofan segir sögu ástralsks viðskiptamanns sem býr í Sidney og þreytandi eins dags ferðum hans til Melbourne eða Brisbane, sem fólu í sér fjórar ökuferðir með leigubíl, tvær flugferðir, langan biðtíma og hættu á flugtöfum. Þessar ferðavenjur endurskoðaði Ástralinn eftir heimsfaraldur.

Vísað er til tölfræðilegra gagna úr flugheiminum sem sýna að fleiri séu á þessari leið: Bissnissfólkið fer í lengri ferðir en áður og flugfélögin hafa orðið að bregðast við því í áætlunum sínum. Þegar svo bætast við áhyggjur af umhverfisáhrifum, hækkandi verð flugmiða, fjölgun aflýsinga á flugferðum vegna skorts á starfsfólki á flugvöllum og mikil aukning í fundahaldi á netinu þá blasi við að eins dags viðskiptaferðum á enn eftir að fækka. Haft er eftir bandaríska viðskiptaferða- og ráðstefnuskipuleggjandanum CWT að netfundirnir einir hafi fækkað eins dags viðskiptaferðum innanlands um meira en fjórðung frá 2019.

Og Ástralinn áðurnefndi er sáttur mjög, segir við Reuters að hann kunni því vel að lengja ferðirnar og fá tækifæri til að hitta fleira fólk í hverri ferð og kynna sér fleiri verkefni á sínu sviði. 

Flugfélög í Bandaríkjunum hafa brugðist við þessari þróun með því að bjóða upp á fleiri flugferðir í miðri viku vegna áhuga viðskiptavina á að blanda saman viðskiptum og slökun (bleisure), sem kemur til vegna þess að fólk hefur meiri tækifæri en áður til að sinna störfum sínum í fjarvinnu. 

Sölustjóri CWT í Kyrrahafslöndum Asíu segir við Reuters að um sé að ræða varanlega breytingu sem blasi við bæði flugfélögum og hótelum. Eins dags ferðirnar víki fyrir lengri ferðum vegna þess að viðskiptavinir séu orðnir umhverfislega neðvitaðri og hugsi meira um kostnaðinn. Þetta geti leitt til þess að nýting hótelherbergja batni.

Í Ástralíu hafa viðskiptaferðir innanlands lengst vegna hækkandi flugfargjalda. Meðallengd hverrar ferðar var þrír dagar árið 2019 en á þriðja fjórðungi þessa árs var hún orðin fjórir dagar. Skýringin er einfaldlega sú að vegna þess hversu dýrt er að fljúga vill fólk nota tækifærið og dvelja lengur á áfangastað. 

Flugfélögin Qantas og Virgin í Ástralíu segja að hærri flugfargjöld hafi hingað til vegið upp tekjumissinn af fækkun viðskiptaferða. En breyttar ferðavenjur blasi við, umferð á vinsælum bissnissleiðum fari minnandi, færri ferðist fram og til baka samdægurs og flugfélögin hafi brugðist við með breytingum á flugáætlunum.  

Nýtt efni

Árið 1970 barst Pattie Boyd nafnlaust og dularfullt ástarbréf frá einhverjum sem þráði hana afar heitt. Vandinn var bara sá að Pattie var þegar gift öðrum manni og ekki ófrægum; hún og George Harrison gítarleikari The Beatles höfðu búið saman í sex ár þegar bréfið barst Pattie.  „Ég skrifa þér þessa orðsendingu í þeim megintilgangi …

Næring forfeðra okkar á oftar en ekki fyllilega erindi við nútímamanninn. Sum þeirra matvæla sem nú er hent var hreinlega slegist um áður fyrr. Með vaxandi hraða þjóðfélagsins og breyttri menningu hefur heilsusamlegt hráefni eins og innmatur, dýrafitur, bein og mergur orðið að hliðarafurð sem fer til spillis. Þessi sóun hefur í för með sér …

Gistinætur Breta á norðlenskum hótelum í janúar voru 422 talsins sem er rétt um tíund af því sem var í janúar árin 2018 og 2019 þegar breska ferðaskrifstofan Super Break bauð upp á pakkaferðir til Akureyrar frá nokkrum breskum flugvöllum. Tilkoma áætlunarflugs Easyjet frá London til Akureyrar hefur því ennþá miklu minni áhrif á gistigeirann …

Stærstu hluthafar Play skuldbindu sig til að leggja flugfélaginu til 2,6 milljarða króna í nýtt hlutafé í byrjun síðustu viku en með þeim skilyrðum að hlutafjárútboðið myndi nema samtals fjórum milljörðum króna. Nú hefur félagið tryggt sér þá 1,4 milljarða sem upp á vantaði. Þetta kemur fram í tilkynningu. Þar segir að þessi hlutafjáraukning sé …

Í febrúar léku þýsku fótboltaliðin Hansa Rostock og Hamburger Sport Verein (HSV) á heimavelli Hansa í Rostock. Bæði liðin eru gömul stórveldi á fótboltavellinum en eru nú í nokkrum öldudal og leika í annarri deild þýska fótboltans. Leikurinn endaði 2-2 sem voru auðvitað töluverð vonbrigði fyrir lið Hamborgar því þeir keppast við að komast aftur …

Útgerðir skemmtiferðaskipa virðast bjartsýnar um að fólk sæki mjög í siglingar á árinu. Ferðaþorstanum eftir innilokun Covid 19-áranna hafi ekki enn verið svalað. Þá kjósi margir, sem á annað borð hafa efni á því, verja fleiri ferðadögum á friðsælu floti um heimsins höf fremur en að olnboga sig í gegnum manngrúa borga og vinsælla ferðamannastaða. …

Það voru keyptar 390 þúsund gistinætur á íslenskum gististöðum í janúar eða 13 prósentum færri en í janúar í fyrra. Næturnar núna voru álíka margar og í janúar 2019 en það var í mars það ár sem rekstur Wow Air stöðvaðist. Gisitnóttum útlendinga á skráðum gististöðum, stór hluti heimagistingarinnar fellur þar ekki undir, fækkaði um …

Lilja Dögg Alfreðsdóttir

Vinna við aðgerðaáætlun í tengslum við ferðamálastefnu Íslands til ársins 2030 er langt komin. Birt hafa verið í Samráðsgátt drög að tillögu til þingsályktunar og óskað umsagna. Það kemur síðan í hlut Alþingis að vinna úr tillögum sem orðið hafa til í víðtæku samráði hagaðila í ferðaþjónustu - og ákveða síðan hvert skal stefna. Þær …