Samfélagsmiðlar

Einn ferðamaður á hvern íbúa

Ferðamálayfirvöld í Frönsku Pólynesíu leggja til að leyfilegur fjöldi ferðafólks fari ekki yfir 300 þúsund á ári. Hugmyndin er að skapa hæggenga og sjálfbæra ferðaþjónustu á næstu fimm árum.

Frá Tahití

Tahití er ein 120 eyja í Frönsku Pólynesíu og er ferðaþjónusta meginstoð í búskap eyjaskeggja. Nú er ein krafa samtímans til ferðaþjónustu að hún sé rekin á sjálfbæran máta, sé hvorki skaðleg náttúrunni eða raski jafnvægi samfélaga. Íbúar í Frönsku Pólynesíu eru um 282 þúsund.

Ferðamálayfirvöld í Frönsku Pólynesíu vilja með endurskoðaðri ferðamálastefnu setja fjöldatakmörk á komur ferðamanna. Nýsjálenska útvarpið hefur eftir Jean-Marc Mocellin, yfirmanni Ferðamálaráðs Tahití, að tillögur gangi út á að gera Tahití að einstökum áfangastað með hæggengri ferðamennsku (slow travel). Yfirvöld á eyjunum eiga þó eftir að leggja blessun sína á þessa stefnubreytingu.

Mocellin sagði að til þessa hafi verið einblínt á vöxt en hann vildi að fjöldatakmörk miðuðust við 300 þúsund ferðamenn, álíka og heimsótti Frönsku Pólynesíu 2019. Það væri raunhæft viðmið en ekki mætti fara yfir þann fjölda. Best væri að fjöldi ferðafólks væri svipaður og íbúafjöldinn. Markmiðið er að fá ferðamenn til að dvelja lengur og kynnast eyjaskeggjum og stefnt er að því að framfylgja kröfum Alþjóðaráðsins um sjálfbæra ferðaþjónustu (The World Sustainable Tourism Council) og að Tahití fái viðurkenningu sem sjálfbær áfangastaður.

Tahití uppfyllir þegar einhverjar af kröfum um sjálfbærni, t.d. varðandi ýmsar umhverfisráðstafanir og um vernd barna og ungmenna. Hinsvegar mun taka nokkurn tíma að uppfylla kröfuna um að ferðaþjónustan skilji ekki eftir sig kolefnisfótspor. Til að ná því marki þurfi bæði rannsóknir og meiri fjárfestingar.

Nýtt efni

Áður en skemmtiferðaskipin taka að fylla götur Ísafjarðar af forvitnum ferðalöngum eru tvær helgar að vori sem fylla bæinn af heldur ólíkum hópum fólks. Sú fyrri er páskahelgin þegar tónlistarfólk og áhangendur þeirra þyrpast í bæinn til að taka þátt í rokkhátíð alþýðunnar, Aldrei fór ég suður, og sú síðari er Fossavatnshelgin, sem fór fram …

Tekjur Finnair drógust saman um tvö prósent á fyrsta fjórðungi ársins þrátt fyrir að finnska flugfélagið hafi aukið framboðið. Skýringin á samdrættinum liggur í verkföllum, verri sætanýtingu og lægri tekjum af fraktflutningum samkvæmt uppgjöri félagsins sem birt var í morgun. Rekstrarkostnaður Finnair á fyrsta ársfjórðungi var á pari við sama tímabil í fyrra og tapaði …

Allt þar til að Boeing Max krísan hófst, í ársbyrjun 2019, framleiddi Boeing fleiri þotur en keppinauturinn, Airbus. Kyrrsetningar og endurteknir framleiðslugallar hafa hins vegar orðið til þess að hægt hefur á framleiðslunni í verksmiðlum Boeing og eftirspurnin minnkað. Í fyrra framleiddi Airbus 735 þotur en Boeing 528 og mun bilið að öllu óbreyttu breikka …

Fataverslunin Húrra Reykjavík opnar í brottfararsal Keflavíkurflugvallar í vor og verður þar boðið upp á úrval af fatnaði og skóm frá vinsælum vörumerkjum fyrir farþega á leið úr landi. „Við erum að stíga stór skref með opnun þessarar nýju og glæsilegu verslunar, sem á sér stað í tilefni af 10 ára afmæli fyrirtækisins. Þetta er …

MYND: ÓJ

„Þetta er ein heitasta gjafavara Íslands, það get ég sagt fullum fetum. Seljum mikið á netinu hjá okkur út um allan heim,“ segir Baldur Ólafsson, markaðsstjóri Bónus, við fyrirspurn FF7 um vinsældir burðarpoka Bónus meðal ferðamanna.  Áberandi er við verslanir Bónus í miðborginni að ferðamenn kaupa þar gjarnan marga burðarpoka úr endurefni efni sem skarta …

Koffínlausar kaffibaunir eru hefðbundnar kaffibaunir þar sem beiskjuefnið og örvandi hlutinn koffín hefur verið fjarlægt. Útbreiddasta og ódýrasta ferlið við að losa baunirnar við koffínið er hins vegar orðið umdeilt þar sem efnasambönd sem við það eru notuð eru nú tengd við ýmsa heilsufarskvilla.Hægt er að beita nokkrum aðferðum við að losa kaffibaunir við koffín. …

Þrjátíu og átta trilljónir er tala sem er svolítið erfitt að skilja. Trilljón er notað í Bandaríkjunum yfir það sem við Íslendingar köllum billjón, og billjón er þúsund milljarðar, eða milljón milljónir. Á núverandi gengi eru 38 trilljónir Bandaríkjadala sama og 5.320 billjónir íslenskra króna, eða 5,3 milljón milljarðar.  Það er gott að hafa þetta …

Borgaryfirvöld í Lissabon hafa samþykkt að hækka gistináttagjald úr 2 í 4 evrur. Gjaldtaka nær ekki til tjaldstæða. Þá hefur komugjald á skipafarþega verið hækkað úr 1 í 2 evrur. Tillaga um að hækka það gjald í 4 evrur var felld.  Lusa-fréttastofan hefur eftir Carlos Moedas, borgarstjóra, að það sé „sanngjarnt fyrir borgina og íbúa …