Samfélagsmiðlar

Ráðherrar skoða hvort Dettifossvegur verði opnaður í vetur

Vegakort dagsins á Norðausturlandi, föstudagsins 4. nóvember

Dettifossvegur lokaðist 1. nóvember og Vegagerðin segir það markast af fjárveitingum hvort hann verði ruddur, enn sé mikill halli á vetrarþjónustunni. Þetta er vegur sem byggður var sérstaklega upp til að geta þjónað vegfarendum árið um kring. Framkvæmdastjóri Markaðsstofu Norðurlands sagði í viðtali við Túrista i síðustu viku að rætt hefði verið við ráðherra innviða og ferðamála um hvort breytingar yrðu á þessu svo hægt væri að markaðssetja Demantsleiðina árið um kring. 

Túristi leitaði svara hjá Lilju Dögg Alfreðsdóttur, ferðamálaráðherra. Hún svaraði skýrt:

„Við erum að vinna að þessu, ég og innviðaráðherra.”

Lilja Dögg Alfreðsdóttir, ferðamálaráðherra – Mynd: ÓJ

Eftir á að koma í ljós hvort eða hvernig þau ráðherrar og forystufólk í Framsóknarflokknum leysa þetta mál. Lilja segir að þetta snúist ekki bara um „að Vegagerðin haldi opnu, það sé líka tryggt aðgengi að fossinum sjálfum.“ Á það hafa ýmsir bent að ekki sé nóg að ryðja veginn að Dettifossi heldur þurfi jafnframt að vera óhætt að hleypa fólki nær fossinum.

Túristi birtir í dag ítarlegt viðtal við Lilju Alfreðsdóttur, ferðamálaráðherra, um stöðu greinarinnar og hugmyndir hennar um framtíðarstefnuna.

Nýtt efni

Almennu hlutafjárútboði Play lauk í gær og bárust tilboð upp á 105 milljónir króna en lagt var upp með að selja nýtt hlutafé fyrir allt að 500 milljónir króna. Þátttaka almennings í hlutafjáraukningu Play í nóvember 2022 var heldur ekki í takt við framboð. Þá lögðu stærstu hluthafar félagsins því til 2,3 milljarða króna. Það …

Bandarísk flugfélög hvetja Biden-stjórnina í Bandaríkjunum til að gefa ekki út fleiri flugleyfi fyrir kínverska keppinauta þeirra í flugi milli Kína og Bandaríkjanna. Vísað er til samkeppnishindrana sem flugmálayfirvöld í Kína beita erlend flugfélög. Reuters-fréttastofan greinir frá þessu. Samgönguráðuneyti Bandaríkjanna gaf það út í febrúar að kínversk flugfélög gætu boðið allt að 50 flugferðir á …

Kynnisferðir, sem starfa undir vörumerkinu Icelandia, hafa gengið frá kaupum á öllu hlutafé í Dive.is. Fyrir áttu Kynnisferðir 51% hlut í félaginu á móti Tobias Klose. Dive.is sérhæfir sig í köfunar- og snorklferðum í Silfru auk þess að bjóða upp á námskeið í köfun. Félagið leggur mikið uppúr upplifun viðskiptavina enda er það í efsta …

„Ég myndi halda að við værum stærsta flugfélagið fyrir þá sem eru að fljúga frá Íslandi," sagði Einar Örn Ólafsson, forstjóri Play, á kynningarfundi hlutafjárútboðs félagsins, á þriðjudaginn. Máli sínu til stuðnings sýndi hinn nýi forstjóri og fyrrum stjórnarformaður flugfélagsins glæru þar sem sjá mátti hvernig hlutdeild Play á heimamarkaði hefur aukist og farið upp …

Árið 2018 kynnti netverslunin Amazon nýjung á bandarískum smásölumarkaði: Amazon Just Walk Out-Stores. Verslunin var kynnt sem mikil bylting og í rauninni væri lausn Amazon framtíðarlausn fyrir aðrar smásöluverslanir. Maður skannaði símann sinn þegar gengið var inn í Just Walk Out-verslun Amazon, valdi þær vörur sem maður girntist, setti þær í innkaupakörfu og síðan gat …

MYND: ÓJ

Fyrir heimsfaraldur voru flugsamgöngur milli Íslands og Ítalíu litlar, takmörkuðust lengst af við sumarferðir til Mílanó. Á þessu hefur orðið mikil breyting því nú er hægt að fljúga héðan allt árið til Rómar og Mílanó og á sumrin eykst úrvalið enn frekar.  Ítölsku ferðafólki hefur fjölgað verulega í takt við þessar auknu samgöngur og var …

Sala á hreinum rafbílum frá þýska bílaframleiðandanum BMW jókst um 41 prósent á fyrsta fjórðungi ársins. Með söluaukningunni er vægi rafbíla hjá BMW, sem einnig framleiðir Mini, komið upp í 20 prósent hjá þýska framleiðandnum en hlufallið var 15 prósent fyrir ári síðan samkvæmt frétt Bloomberg. Á sama tíma hefur orðið samdráttur í sölu á …

Kínverski bílaframleiðandinn Chery virðist vera að ná samningum um að eignast fyrstu verksmiðju sína í Evrópu, nánar tiltekið í katalónska höfuðstaðnum Barselóna á Spáni. Um er að ræða verksmiðju sem Nissan lokaði árið 2021 og er markmið yfirvalda á Spáni og héraðsstjórnarinnar í Katalóníu að endurheimta þau 1.600 störf sem þá glötuðust. Nú hefur katalónski …