Samfélagsmiðlar

Gera ráð fyrir tvöfalt fleiri ferðum til Íslands í vor

Lufthansa er stórtækt á flugvellinum í Frankfurt.

Þegar staðan í Covid-19 faraldrinum var hvað verst þá var Lufthansa eina flugfélagið sem hélt úti ferðum milli Íslands og Þýskalands. Og þessar ferðir Lufthansa frá Frankfurt nýttu sér ekki eingöngu þeir sem áttu erindi héðan út í heim heldur líka inn- og útflytjendur. Í þotunum var nefnilega meiri frakt en áður hafði verið í Íslandsflugi þýska félagsins.

Þegar ástandið í heimsfaraldrinum skánaði tók Icelandair upp þráðinn í flugi til Þýskalands og Berlín hefur verið hluti af leiðakerfi Play frá því að félagið fór í loftið sumarið 2021.

Og þrátt fyrir tíðar ferðir íslensku flugfélaganna milli Íslands og Þýskalands í dag þá sjá stjórnendur Lufthansa tækifæri til að bæta verulega í nú í vor. Lufthansa gerir nefnilega ráð fyrir daglegum ferðum hingað frá Frankfurt um leið og sumaráætlunin hefst í lok mars en nú í vetur eru ferðirnar fjórar í viku.

Með þessari viðbót tvöfaldast framboðið frá því sem var í apríl og maí í ár þegar þotur Lufthansa flugu aðeins 28 ferðir hingað frá Frankfurt samkvæmt talningu Túrista.

Til viðbótar þá gerir Lufthansa ráð fyrir að halda óbreyttum takti flugi hingað frá Munchen frá vori og fram á haust með tveimur ferðum í viku.

Dótturfélag Lufthansa, Eurowings, mun svo halda úti flugi til Keflavíkurflugvallar frá og með lokum maí og þá frá bæði Hamborg og Dusseldorf. Eurowings verður eitt um flug frá þeirri síðarnefndu til Keflavíkurflugvallar en Niceair ætlar að halda út flugi þaðan til Akureyrar.

Í Hamborg stefnir í óvenju harða samkeppni því nú ætlar Play að fljúga til borgarinnar og þar með skora á Icelandair og Eurowings.

Það má svo rifja upp í þessu samhengi að á árum áður nýtti Lufthansa helst næturnar til að fljúga til og frá Íslandi. Árið 2015 var breytt kúrs og lagt í hann til Keflavíkurflugvallar um miðjan dag sem hentaði miklu betur tengifarþegum frá Kína. Og eftirspurnin eftir Íslandsflugi meðal kínverskra farþega kom stjórnendum Lufthansa á óvart líkt og fram kom í viðtali Túrista við þáverandi framkvæmdastjóra þýska félagsins.

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …