Samfélagsmiðlar

Íslensku félögin sitja ein að Prag

Segja má að stjórnendur Icelandair og Play sjái tækifærin í Tékklandi með ólíkum hætti. Icelandair fór þó flatt á fjárfestingu sinni í Tékklandi á sínum tíma.

Moldá rennur í gegnum Prag og þar hefur Karlsbrúin lengi gert borgarbúum kleift að komast milli borgarhluta.

Czech Airlines hefur um langt árabil haldið úti ferðum milli Íslands og Prag frá vori og fram á haust og á tímabili spreytti tékkneska félagið sig einnig á áætlunarflugi hingað frá Kaupmannahöfn. Þotur Czech Airlines munu hins vegar ekki sjást við Keflavíkurflugvöll á næsta ári því starfsemi þessa fimmta elsta flugfélags heims takmarkast í dag við áætlunarflug frá Prag til Parísar.

Þetta er mikil breyting frá því sem var enda bauð Czech Airlines á sínum tíma upp á tíðar ferðir frá Václav Havel flugvelli í Prag til fjölda áfangastaða. Félagið var hins vegar í gjaldþrotameðferð stóran hluta af heimsfaraldrinum en hélt þó áfram að fljúga til Íslands, bæði sumarið 2020 og 2021. Á því verður þó ekki framhald á nýju ári.

Þrátt fyrir brotthvarfið þá verður framboð á flugi héðan til Prag töluvert. Play tekur upp þráðinn í ferðum sínum til borgarinnar í vor og Icelandair ætlar í fyrsta sinn að bjóða upp á áætlunarflug Prag. Stjórnendur þess síðarnefnda sjá greinilega töluverð tækifæri í Tékklandi nú þegar Czech Airlines er varla nema skugginn af sjálfu sér. Þotur Icelandair munu því fljúga fjórum sinnum í viku til Prag og geta farþegar á leið milli Norður-Ameríku og Tékklands nýtt sér ferðirnar með einföldum hætti.

Stjórnendur Play meta stöðuna með öðrum hætti því þar verða aðeins í boði tvær ferðir í viku og tímasetningarnar hentar illa fyrir tengifarþega, nema þeim Tékkum sem nenna að eyða nóttinni í Leifsstöð á leiðinni yfir hafið.

Þó Icelandair stígi nú sín fyrstu skref í áætlunarflugi til Prag þá var fyrirtækið stórtækt í Tékklandi á sínum tíma. Árið 2007 keypti Icelandair Group áttatíu prósent hlut í tékkneska leiguflugfélaginu Travel Service sem þá var stærra flugfélag en það íslenska.

Þetta reyndist illa tímasett fjárfesting og strax í kjölfar efnahagshrunsins árið 2008 seldi Icelandair meðeigendum sínum í Travel Service stórn hlut og ári síðar tóku kröfuhafar Icelandair hlutinn yfir að mestu.

Nýtt efni

Þetta eru ískyggilegar fréttir fyrir Íslendinga og aðrar þjóðir landanna sem liggja að Norður-Atlantshafi. Það er hluti af kjarngóðu og upplýstu uppeldi allra landsmanna að heyra um mikilvægi Golfstraumsins - helst snemma í frumbernsku, og landsmenn eru minntir á mikilvægi hans reglulega út æviskeiðið. Golfstraumurinn liggur frá Karíbahafinu og hingað norður eftir og gerir það …

Lestarferð á fjölförnustu viðskiptaferðaleiðum Bretlands losar innan við helming af því CO2 sem jafn löng ferð með rafbíl gerir, samkvæmt útreikningum sem The Rail Delivery Group, hagsmunasamtök lestarfélaga þar í landi, hafa reiknað út og sagt er frá í The Guardian. Þar sem um er að ræða vistvænstu lestirnar, sem einungis ganga fyrir rafmagni, þá …

Toyota í Japan tilkynnti í morgun að framleiðsla fyrirtækisins hefði aukist um sjö prósent í janúar og að þetta væri þrettándi mánuðurinn í röð sem fleiri bílar væru framleiddir en í sama mánuði árið á undan. Meginskýringin er sögð mikil eftirspurn í Bandaríkjunum. Í janúar runnu rúmlega 740 þúsund fleiri Toyotur af færiböndum verksmiðjanna en …

Við þeim sem fara um Ráðhústorg í Kaupmannahöfn þessa dagana blasir við risastór auglýsing frá Icelandair. Velunnari FF7 var þar á ferð í vikunni og sendi meðfylgjandi mynd. Auglýsingin er á húsi númer fjögur við Ráðhústorg og fyrir hornið á vegg sem snýr að H.C. Andersen Boulevard, sem er mikil umferðaræð í gegnum miðborgina. Unnið …

Tæknirisinn Apple hefur síðastliðinn áratug unnið að þróun rafknúinna og sjálfstýrðra ökutækja sem þó aldrei hafa verið formlega kynnt. Og það verður varla úr þessu því nú hefur þessari þróunarvinnu verið hætt samkvæmt frétt Bloomberg. Þriðjungurinn af þeim mörg hundruð manns sem unnið hafa að bílaverkefninu verða færð yfir á svið gervigreindar hjá Apple en …

Útibú Arion banka á Keflavíkurflugvelli lokaði í janúar og við fjármálaþjónustu í flugstöðinni tók Change Group sem hátti hagkvæmasta tilboðið í þennan rekstur í útboði sem Isavia efndi til í fyrra. Ennþá er Change Group þó ekki komin með tilskilin leyfi til að sinna gjaldeyrisviðskiptum hér á landi samkvæmt því sem FF7 kemst næst og …

Hún er svo vinsæl, bandaríski rithöfundurinn Sarah J. Maas, að þegar þriðja bindið í Crescent City-bókaflokknum kom út þann 30. janúar síðastliðinn stóðu aðdáendur hennar í löngum röðum í vetrarkuldanum fyrir framan bókabúðirnar sem höfðu ákveðið að opna búðir sínar á miðnætti á útgáfudeginum í New York og víðar um Bandaríkin. Þessar raðir fyrir framan …

Matvælastofnun Sameinuðu þjóðanna hefur áætlað að af öllum mat sem framleiddur er í heiminum fari um þriðingur í ruslið, eða 1,3 milljarðar tonna á ári. Umhverfisstofnun Sameinuðu þjóðanna hefur áætlað að á heimsvísu fari um 17 prósent af öllum mat í matvöruverslunum, á veitingastöðum og á heimilum í ruslið. Það er gríðarlegt magn af prýðisgóðri næringu sem þar fer …