Samfélagsmiðlar

486 þúsund milli Keflavíkurflugvallar og Kaupmannahafnar

Flugbrautirnar við flugvöllinn á Kastrup eru vel nýttar af íslenskum flugfélögum.

Kaupmannahöfn er sú borg sem þotur Icelandair fljúga oftast til en á sumrin býður félagið upp á allt að fimm ferðir á dag til dönsku höfuðborgarinnar. Til viðbótar eru daglegar brottfarir á dagskrá Play og SAS flýgur þessa leið flesta daga ársins. Umferðin er því mikil og í fyrra flugu 486 þúsund farþegar milli Keflavíkurflugvallar og Kastrup en hafa ber í huga að talningin fer fram bæði við komu og brottför frá danska flugvellinum.

Svona upplýsingar eru leyndarmál hér á landi þó þar séu það ekki í langflestum öðrum löndum. Túristi hefur árangurslaust reynt að fá þessar tölur upp á borðið, meðal annars með kæru til úrskurðarnefndar upplýsingamála.

Ennþá langt í metárið

Eins og gefur að skilja þá var farþegahópurinn í Keflavíkurfluginu í Kaupmannahöfn í fyrra miklu fjölmennari en árin tvö á undan því þá takmarkaði heimsfaraldurinn ferðalög milli landa. Aðeins 206 þúsund farþegar fóru þá milli Íslands og dönsku höfuðborgarinnar og þeir voru ennþá færri árið 2020.

Og þrátt fyrir mikla aukningu á síðasta ár þá er ennþá langt í land með að markaðurinn verði álíka og þegar umferðin var mest. Árið 2018 flugu til að mynda 583 þúsund farþegar milli Keflavíkur og Kastrup eða um fimmtungi fleiri en í fyrra.

Þess má svo geta að nú takmarkast ferðirnar milli Íslands og höfuðborgar Danmerkur ekki við Keflavíkurflugvöll því Niceair heldur úti reglulegum ferðum til Kastrup frá Akureyri. Farþegatölur á þeirri flugleið liggja ekki fyrir.

Nýtt efni

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …

Á fimmta hundrað flugvallarstarfsmenn í Ósló og Bergen munu leggja niður störf á miðnætti ef ekki nást samningar um nýjan kjarasamning. Viðræðurnar stranda aðallega á kröfum um bætt lífeyrisréttindi og aukin veikindarétt að því segir í frétt Norska ríkisútvarpsins. Ef til verkfalls kemur er viðbúið að það hafi mikil áhrif á umferðina um flugvellina í …