Samfélagsmiðlar

Alþjóðlegt samstarf um að hótel fylgi viðurkenndum reglum um sjálfbærni

Tvenn alþóðasamtök á sviði sjálfbærnimála í ferðaþjónustu hafa tekið saman höndum um að vinna markvissar að innleiðingu reglna og viðmiða varðandi sjálfbærni í hótelrekstri.

urvalutsyn atlantis palm dubai hotel resort

Bygging Atlantis The Palm, glæsihótelsins í Dúbæ, hafði mikil umhverfisáhrif og óvíst er hvort ströngustu reglum um sjálfbærni sé fylgt

Tvenn alþjóðleg samtök sem vinna að sjálfbærni innan ferðaþjónustunnar hafa tilkynnt um nánara samstarf á því sviði. Þetta eru Samband fyrirtækja í sjálfbærri gistiþjónustu (The Sustainable Hospitality Alliance) og Alþjóðaráð um sjálfbæra ferðaþjónustu (Global Sustainable Tourism Council).

Með samstarfinu ætti að nást til fleiri innan greinarinnar og nýta betur sérþekkingu á því hvernig komið er á viðmiðum og reglum um sjálfbæran rekstur. Tilgangurinn er að auka skilning í hótelrekstri og innan ferðaþjónustunnar á því hvað felst í sjálfbærni og afla haldbærra gagna um stöðuna í sjálfbærnimálum. 

Á síðustu árum hefur grænþvottur færst í aukanna á heimsvísu og innan allra atvinnugreina. Fyrirtæki hafa í markaðssetningu sinni gefið til kynna að starfsemi þeirra og þjónusta lúti kröfum um sjálfbæra þróun án þess að innistæða hafi verið fyrir því. Með þessu er verið að veita neytendum rangar eða villandi upplýsingar sem grafa undan tiltrú á því sem raunverulega er verið að gera í þessum málum. Grænþvottur er svik við neytendur, samfélög – og jörðina sjálfa.

Innan alþjóðlega hótelgeirans er margskonar fyrirkomulag í gildi um það hvernig fyrirtæki veita upplýsingar um umhverfismál, samfélagsþætti og stjórnarhætti (ESG-Environmental, Social and Goverance) til hluthafa og fjárfesta – og yfirvalda í hverju landi. Þetta er ómarkvisst og veldur erfiðleikum við að mæla hvort fyrirtæki fylgi reglum og hindrar þar með innleiðingu góðra starfshátta. Nú er ætlunin að öll hótel og gistihús hafi réttu verkfærin og leiðbeiningar til að ná mælanlegum árangri í sjálfbærnimálum.

Þetta samkomulag er mikilvægur áfangi á þeirri leið að ferðaþjónustan fylgi kröfum um sjálfbæran rekstur. Innan Sambands fyrirtækja í sjálfbærri gistiþjónustu (The Sustainable Hospitality Alliance) eru um 40 prósenta hótela í heiminum með sjö milljónir herbergja. Á meðal hótelhringja sem aðild eiga að sambandinu eru Marriott International, Hilton Hotels & Resorts, IHG Hotels & Resorts, Hyatt Hotels Corporation, BWH Hotel Group og Radisson Hotel Group. Að auki starfar innan sambandsins mikill fjöldi sjálfstæðra hótela.

Starfsemin sem fram fer á hóteli hefur mikil áhrif á umhverfi, efnahag og samfélag þess. Áætlað er að eitt prósent af losun CO2 í heiminum komi frá hótelum. Þau þurfa ógrynni af vatni og rafmagni, skilja eftir sig mikið af sorpi og úrgangi. Hótelin veita líka mörgum atvinnu og eru mikilvægir kaupendur á vöru og þjónustu.

Ferðaþjónusta þrífst ekki án hótela. Hótelin þrífast ekki til lengdar nema að þau starfi í sátt við samfélag og umhverfi.

hotelrum nik lanus
Mynd: Nik Ianus
Nýtt efni

Fyrstu fimm mánuði ársins hefur verð á flugmiðum frá Íslandi til útlanda verið ódýrara en á sama tímabili í fyrra. Í maí lækkaði verðið um 5,7 prósent samkvæmt nýjum mælingum Hagstofunnar en til samanburðar hækkaði verðlag almennt um 6,2 prósent á milli ára. Verðmælingar Hagstofunnar ná til fleiri flugfélaga en þeirra íslensku en þau standa …

Þess hefur verið beðið að Framkvæmdastjórn Evrópusambandsins tilkynnti um refsitolla á innflutning kínverskra rafbíla. Kínversk stjórnvöld hafa verið sökuð um óeðlilega mikinn ríkisstuðning við innlenda framleiðendur og var þetta meðal umræðuefna í Evrópuferð forseta Kína nýverið. Ný tollheimta myndi þýða milljarða evra aukalegar álögur á kínverska rafbílaframleiðendur.  Xi-Jingping, forseti Kína - MYND: Britta Pedersen/dpa-Zentralbild/dpa/Alamy Nú …

Það er stundum margt um ferðamanninn á Skólavörðustíg og á Laugavegi. Einhverjir tuða vegna þessa, segjast vilja endurheimta miðborgina, en fleiri gera sér grein fyrir því að ferðamenn hafa glætt miðborgina nýju lífi. Það er svo annað mál að ferðamannafjöldi leiðir gjarnan til einhæfni í þjónustu: Ferðamannamenn í miðborginni - MYND: ÓJ Minjagripaverslunum fjölgar óhæfilega, …

Kynnisferðir hf. hagnaðist um rúmlega 1,3 milljarða króna á síðasta ári og tvöfaldaðist hann á milli ára. Tekjur félagsins námu 14,5 milljörðum króna og jukust um 30 prósent frá í fyrra. „Við erum afar stolt af þeim árangri sem náðist í rekstri félagsins á síðasta ári þrátt fyrir hátt vaxtastig og aðrar krefjandi ytri aðstæður. …

Joe Biden, Bandaríkjaforseti, og ríkisstjórn hans með Janet Yellen, fjármálaráðherra, fremsta í flokki, hafa nú kynnt fyrstu opinberu leiðbeiningarnar fyrir markað með kolefniseiningar þar í landi. Leiðbeininginum er ætlað auka líkurnar á því að kolefniseiningar sem ganga kaupum og sölum séu af nægilegum gæðum og að verkefnin sem liggi þeim til grundvallar skili raunverulegum árangri, …

„Fyrir þessa aðgerð voru rúmlega 800 manns í störfum sem ekki eru flugtengd og uppsagnirnar náðu eingöngu til þeirra," segir Bogi Nils Bogason, forstjóri Icelandair Group, en fyrirtækið samdi í dag um starfslok 82 starfsmanna. Uppsagnirnar náðu ekki til áhafna líkt og FF7 hafði áður greint frá. „Eins og við höfum sagt þá var árið …

Ráðuneyti viðskipta og sjávarútvegsmála í Noregi kynnti fyrir tveimur árum drög að frumvarpi um að þarlendir kjarasamningar og reglur um aðbúnað næðu líka til áhafna erlendra skipa sem færu um norska lögsögu. Litið yrði svo á að um leið og erlent skip færi inn fyrir norska lögsögu giltu um það sömu reglur og alla innlenda …

Fjárfestar lögðu Play til 4,6 milljarða króna í hlutafjárútboði félagsins sem lauk þann 11. apríl síðastliðinn. Í kjölfarið urðu töluverðar breytingar á hópi stærstu hluthafa félagsins. Nú er lífeyrissjóðurinn Birta stærsti einstaki hluthafinn en samanlagt fara sjóðir á vegum Íslandssjóða fyrir enn stærri hlut. Meðal nýrra stórra hluthafa er félag í eigu Einars Sveinssonar og …