Samfélagsmiðlar

Andstaða innan ESB við hugmyndir um grænan nýsköpunarsjóð

Framkvæmdastjórn ESB hefur undirbúið stofnun þróunarsjóðs til að efla vistvænan iðnað og bregðast við stórfelldum áformum Bandaríkjamanna um innviðafjárfestingar. Þetta mætir nú mikilli andstöðu meðal aðildarríkja.

Smart-rafbíll

Rafbíl og skellinöðrur í Róm

Það var bjart yfir Ursulu van der Leyen, forseta framkvæmdastjórnar ESB, þegar hún ávarpaði Davos-fundinn á dögunum og boðaði græna atvinnubyltingu sem fjármögnuð yrði úr nýjum sjóði. Þá þegar var vitað um töluverða andstöðu við áform framkvæmdastjórnarinnar og hefur hún nú aukist og opinberast.

Ursula von der Leyen

Sjö af 27 aðildarríkjum sambandsins hafa sent frakvæmdastjórninni bréf og andmælt áformum framkvæmdastjórnarinnar. Samkvæmt frétt Reuters-fréttaveitunnar eru það fulltrúar Tékklands, Danmerkur, Finnlands, Austurríkis, Írlands, Eistlands og Slóvakíu sem undirrita bréfið. Til viðbótar þá hafa Þýskaland, Holland og Belgía lýst andstöðu við að Evrópusambandsríkin taki sameiginlega meiri lán. Samkvæmt þessu munu a.m.k. 10 aðildarríki leggjast gegn áformum um sérstakan grænan þróunarsjóð. Þess í stað vilja ríkin að núverandi sjóðir verði notaðir í sama tilgangi.

Á móti segir framkvæmdastjórnin að nauðsynlegt sé að afla nýs fjár til að jafna aðstöðu ríkra og efnaminni Evrópuríkja í samkeppni við Bandaríkin og Kína. Embætismenn ESB óttast að stórfelldur opinber stuðningur í Bandaríkjunum við framleiðendur rafbíla, rafhlaðna, túrbína fyrir vindmyllur og vetnisknúinna véla verði til þess að framleiðendur í Evrópu færi sig vestur um haf – og evrópskur iðnaður dragist aftur úr. Til lengri tíma litið hefur iðnaðarstefna Evrópusambandsins bein áhrif á samkeppnisstöðu evrópskrar ferðaþjónustu.

Nýtt efni

Vaxandi óánægju gætir meðal leigusala og húsnæðismiðlara í Bandaríkjunum með það ægivald sem Airbnb hefur á skammtímaleigumarkaðnum. Margir eru sagðir leita leiða til að afla leigutekna utan eða meðfram kerfi bandaríska risans, sem gerir stöðugt meiri kröfur til þeirra sem leigja út vegna þrýstings frá samfélögum sem stynja undan umfangi og markaðsáhrifum skammtímaleigu til ferðafólks.  …

Flugsamstæðan Air France KLM hefur greint frá því að rekstrarhagnaður á síðasta ársfjórðungi hafi minnkað um 30% og er það verri afkoma en flugmálasérfræðingar bjuggust við. Helstu skýringar eru sagðar aukinn starfskostnaður og hærra olíuverð en búist var við. Þetta er veruleiki sem önnur flugfélög hafa almennt verið að kljást við. Á öðrum ársfjórðungi nam …

Þegar stjórnendur Play kynntu í apríl sl. uppgjör fyrirtækisins fyrir fyrstu þrjá mánuði ársins þá brugðu þeir út af vananum og birtu engan árshlutareikning. Þar með fengu fjárfestar og greinendur ekki aðgang að uppfærðum efnahagsreikningi fyrir flugfélagið þar sem meðal annars eigna- og skuldastaða kemur fram. Um leið fengust ekki upplýsingar um hvert eiginfjárhlutfall félagsins …

Suður-kóreski rafhlöðuframleiðandinn LG Energy Solution (LGES) á í viðræðum við þrjá ónefnda kínverska birgja um að framleiða ódýrar bílarafhlöður fyrir Evrópumarkað og bregðast þannig við hærri verndartollum Evrópusambandsins á rafbíla frá Kína.  Þetta hefur Reuters-fréttastofan eftir háttsettum heimildarmanni innan LGES, sem er í hópi stærstu rafhlöðuframleiðenda heims ásamt CATL í Kína, Panasonic í Japan og …

Þó margir njóti guðaveiga í sumarfríinu þá er hásumarið rólegur tími í heimi vínviðskipta. Það er löngu búið að ganga frá sölu á framleiðslu liðins árs en beðið tíðinda af næstu vínuppskeru. Þegar horft er á heildina þá hefur dregið úr vínsölu vegna efnahagsþrenginga og breyttra neysluhátta. En loftslagsbreytingar valda vínbændum víða erfiðleikum og hafa …

Það kemur skýrt fram í afkomutölum rafbílaframleiðandans Tesla að hægt hefur á orkuskiptum í bílasamgöngum. Á fyrri helmingi ársins hefur Tesla selt um 831 þúsund rafbíla en Elon Musk hafði spáð því að á árinu öllu myndu seljast um 1,8 milljónir bíla. Það vantar því enn mikið upp á að sú spá rætist. Sala Tesla …

Áður en Play fór í loftið sumarið 2021 var efnt til hlutafjárútboðs þar sem söfnuðust 10 milljarðar króna. Umsjón með útboðinu höfðu Arctica Finance og Arion banki en þessi tvö fjármálafyrirtæki komu einnig að fjármögnun Wow Air á sínum tíma. Í útboði meðal almennings reyndist umframeftirspurnin áttföld. Í kynningarefni sem fylgdi hlutafjárútboðinu var aðeins ein …

„Okkur er ánægja að tilkynna um fjölgun A350-900-véla í utanlandsflugi og A321neo í innanlandsflugi,“ segir Yukio Nakagawa, innkaupastjóri Japan Airlines, í tilkynningu félagsins um samninga við Airbus um kaup á nýjum þotum. „Með því að flýta því að taka í notkun nýjustu og sparneytnustu flugvélarnar viljum við veita viðskiptavinum okkar besta hugsanlegu þjónustu um leið …