Samfélagsmiðlar

Bjartsýni í greininni en mörgum líst illa á kjarasamningana

Viðhorfskönnun sem KPMG gerði meðal fólks í ferðaþjónustu í desember og janúar lýsir töluverðri bjartsýni og að flestir hafi náð sér þokkalega á strik eftir heimsfaraldurinn.

Ferðafólk við Sólfarið

Ferðafólk við Sólfarið

Viðhorfskönnunin sem Gunnar Kristinn Sigurðsson, forstöðumaður viðskiptaþróunar KPMG, fylgdi úr hlaði á Nýársmálstofu ferðaþjónustunnar í morgun er sú fimmta sem gerð er. Óhætt er að segja að könnunin sé samtímakönnun því hún var gerð á síðustu vikum – í desember og fyrr í janúar. Um 100 svör bárust.

Almennt má segja að bjartsýni ríki í ferðaþjónustunni, ef marka má niðurstöður viðhorfskönnunar KPMG. Langflestir telja að fyrirtæki viðkomandi haldi sínu striki á árinu. Segja má að í þessu birtist trú á að ferðaþjónusta í heiminum hafi nokkurn veginn náð sér á strik eftir heimsfaraldurinn.

Ferðafólk hlýðir á leiðsögumann á Austurvelli – MYND: ÓJ

En þó fólk í greininni hafi trú á að það verði nóg af viðskiptavinum þá eru margir hugsi yfir áhrifum nýrra kjarasamninga – og óvissunni framundan því ósamið er við Eflingu. Þegar leitað var viðbragða við samningunum sem gerðir hafa verið segja 37 prósent að þeir leggist illa sig. Góður meirihluti, 63 prósent, segja hvorki né – eða að þeir leggist vel í viðkomandi.

Þegar leitað er álits fólks á samkeppnishæfni Íslands sem áfangastaðar er meginbreytingin sú að færri en árin á undan telja að samkeppnishæfnin sé að veikjast. Flestir telja að hún haldist óbreytt.

Þessi könnun sýnir vaxandi bjartsýni – eða eigum við frekar að segja að fólk sé ekki lengur svartsýnt? Þáttakendur í könnuninni telja að helstu tækifæri Íslands felist í því að landið sé fjarri stríðsátökum. Stöðugleiki í rekstri fyrirtækja laði að sér ferðamenn. Hinsvegar þurfi að leggja meiri áherslu á dreifingu ferðamanna um landið og auka vetrarferðamennsku. Gunnar Kristinn Sigurðsson hjá KPMG sagði þetta gamalkunnug stef úr umræðunni og það er rétt hjá honum. Sjálfur starfaði Gunnar um árabil sem markaðsstjóri Isavia. Þá eykur opnunin í Kína mönnum bjartsýni, samkvæmt könnuninni, og tækifæri eru sögð felast í því að fá fleiri efnaða ferðamenn til landsins. Um það atriði eru þó skiptar skoðanir.

Gunnar Kristinn Sigurðsson kynnir viðhorfskönnun KPMG – MYND: ÓJ
Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …