Samfélagsmiðlar

British Airways breytir um stíl

Það hefur verið farið hægt í breytingar á fatastíl flugáhafna og annars starfsfólks tengt flugi British Airways. Nú er í fyrsta skipti í 20 ár kynntir til sögunnar nýir búningar. Mesta athygli vekja samfestingar sem hannaðir eru á konur.

Búningar British Airways

Breski tískuhönnuðurinn Ozwald Boateng var fenginn til að hanna nýja búninga á flugáhafnir og starfsfólk British Airways og hafa þeir nú verið kynntir til sögunnar. Um 30 þúsund starfsmenn félagsins munu klæðast nýju búningunum. Mesta athygli vekja samfestingar sem konur í flugáhöfnum mega nota ef þær kjósa. Það eru líka í boði skokkar og höfuðklútar.

British Airways er íhaldssamara flugfélag en Virgin Atlantic, sem ákvað að leyfa konum sem körlum í sínum áhöfnum að klæðast pilsum. Það er aðeins of djarft fyrir gamla og virðulega þjóðarflugfélagið British Airways. Eftir fimm ára vinnu, sem tafðist í heimsfaraldrinum, er niðurstaðan sú að fara hefðbundna leið: klæða karla og konur með ólíkum hætti. 

Ozwald Boateng, fatahönnuður, kynnir nýja búningalínu British Airways

Boateng hannaði jakka, vesti og buxur á karlana um borð í vélunum og kjól, pils og buxur á þær konur sem ekki stökkva á samfestingana (jumpsuit). Og ekki er nóg með að slakað sé á gamalli stífni varðandi búninga um borð. Framvegis verður flugáhöfn heimilt að sýna húðflúr sín. 

Það eru nýir tímar í Bretlandi. Elísabet önnur horfin af sviðinu en Karl fyrsti sestur í hásætið.

Sean Doyle, aðalforstjóri British Airways, sagði þegar breytingarnar voru kynntar í dag:

„Nýju búningarnir vísa til framtíðar, endurspegla allt það besta í Bretlandi nútímans og hjálpa félaginu við að veita viðskiptavinum frábæra þjónustu að breskum hætti. Við vildum að fólkið okkar yrði stolt af að klæðast nýju búningunum og erum sannfærð um að það hafi tekist.” 

Um 1.500 starfsmenn British Airways tóku þátt í prófunum á nýju búningunum við mjög ólíkar aðstæður, miklu frosti og vatnsveðri. Þau sem sinna afgreiðslu á jörðu niðri fá hanska sem hægt er að nota til að vinna á snertiskjám og fylla út eyðublöð í kuldatíð. 

Ozwald Boateng er stjarna á himni breskrar fatahönnunar. Hann byrjaði með klæðskerastofu á Portobello Road í London en fluttist síðar í hjarta breskrar klæðskeratísku, Savile Row. Hann hlaut OBE-orðuna árið 2006 fyrir störf í þágu breska fataiðnaðarins. 

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …