Samfélagsmiðlar

Búist við svipaðri flugumferð og í fyrra

Eurocontrol gerir ráð fyrir að flugumferð verði svipuð og á síðasta ári en aukist jafnt og þétt þegar líður á árið. Á Íslenska flugstjórnarsvæðinu nálgast umferðin það sem hún var 2019. Tvö flugfélög frá Persaflóa eru meðal þeirra flugfélaga sem oftast fara um svæðið.

Flugstjórnarmiðstöð Isavia ANS

Flugstjórnarmiðstöð Isavia ANS

„Á Norður-Atlantshafi er flugumferð á ársgrundvelli orðin um 90 prósent af því sem hún var 2019,“ sagði Kjartan Briem, framkvæmdastjóri Isava ANS, í ítarlegu viðtali við Túrista. „Eurocontrol gerir þó ráð fyrir svipaðri umferð og á síðasta ári – með nokkrum vikmörkum. Búist er við að umferð aukist þegar líður á árið.”

Íslenska flugstjórnarsvæðið og helstu leiðir – MYND: Isava ANS

Stríðið í Úkraínu og flugbannið í Rússlandi breytti auðvitað flugumferðinni og ekki sér fyrir endann á því. „Á okkar flugstjórnarsvæði dró mjög úr flugi í austurátt, í átt að Rússlandi og Kína, sem raunar er ekki mjög stór hluti af okkar umferð, en á móti kom t.d. flug frá Japan hina leiðina – oft til London – um okkar flugstjórnarsvæði, sem er dálítið lengri leið. Þá urðu breytingar á flugi frá Miðausturlöndum yfir Evrópu. Fyrir stríðið lágu leiðirnar austar, yfir Úkraínu, og norður á okkar svæði. Nú fljúga þessar vélar vestar.“

Flugumferðarstjóri
Flugumferðarstjóri við störf – MYND: Isava ANS

Það kemur eflaust engum á óvart að flugvélar Icelandair séu algengastar á Íslenska flugstjórnarsvæðinu en önnur félög á listanum gætu komið einhverjum á óvart, sérstaklega hversu ofarlega flugfélögin við Persaflóa, Emirates og Qatar Airways, eru þar:

Þau flugfélög sem oftast flugu á Íslenska flugstjórnarsvæðinu 2022:

  1. Icelandair
  2. United Airlines
  3. Emirates
  4. Qatar Airways
  5. Turkish Airlines
  6. Lufthansa
  7. SAS
  8. Air Canada
  9. British Airways
  10. Air Greenland
  11. Air India
  12. Aeroflot
  13. Finnair
  14. KLM
  15. Delta
  16. EasyJet
  17. Bandarískar einkaflugvélar
  18. American Airlines
  19. LOT
  20. Air France

Þessi flugfélög koma úr öllum áttum og sýnir það vel mikilvægi Íslenska flugstjórnarsvæðisins, sem er eitt hið víðfeðmasta í heimi, um fimm og hálf milljón ferkílómetrar.

Nýtt efni

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …

Rauðu og hvítu sporvagnarnir hafa verið meðal táknmynda Istanbúl, þjónað íbúum og ferðamönnum í meira en öld. Nú líður að því að þeim verði skipt út fyrir vagna sem búnir verða rafhlöðum. Vagnarnir hafa gengið eftir spori á Istiklal-breiðgötunni Evrópumegin í Istanbúl. Þeir voru fyrst teknir í notkun árið 1914, á dögum Ottómanveldisins. Ýmsar lagfæringar …

Skattaívilnanir til kaupa á nýjum rafbílum féllu niður um áramótin en frádrátturinn gat numið allt að 1,3 milljónum króna. Nú fæst 900 þúsund króna styrkur frá Orkusjóði í staðinn en sala á rafbílum hefur þó dregist umtalsvert saman það sem af er ári. Á þessum tíma í fyrra höfðu 3.211 nýir rafbílar verið skráðir nýir …

Seljendur hlutabréfa í almennu hlutafjárútboði Íslandshótela, stærsta hótelfyrirtæki landsins, hafa ákveðið að falla frá útboði og þar með skráningu félagsins á Aðalmarkað Nasdaq Iceland. Almennu hlutafjárútboði Íslandshótela lauk seinnipartinn í gær en í ljósi þessarar ákvörðunar munu allar áskriftir falla sjálfkrafa niður. Þetta kemur fram í tilkynningu. Vel á þriðja þúsund aðilar tóku þátt í …

MYND: ÓJ

Nýbirt Þróunarvísitala ferðageirans (Travel & Tourism Development Index) fyrir árið 2024, sem Alþjóðaefnahagsráðið ( World Economic Forum) tekur saman annað hvert ár, sýnir að Ísland fellur niður listann um 10 sæti frá 2019 - í 32. sæti, Danmörk, Finnland og Svíþjóð eru töluvert ofar en Noregur er hins vegar ekki meðal þeirra 119 landa sem …

Ríkisstjórn Sjálfstæðisflokks, Viðreisnar og Bjartrar framtíðar áformaði að hækka virðisaukaskatt á ferðaþjónustu úr 11 prósentum í 24 prósent um mitt árið 2018. Stjórnin sprakk hins vegar áður en málið fór í gegnum Alþingi. Samtök ferðaþjónustunnar börðust gegn þessari hækkun á sínum tíma og í morgun efndu samtökin til fundar í ljósi þess að „undanfarin misseri …

Ferðafólk fylgist með hval dregnum á land í Hvalfirði

Samkvæmt könnun sem Maskína gerði fyrir Náttúruverndarsamtök Íslands dagana 30. apríl til 7. maí 2024 eru 49 prósent aðspurðra því andvíg að leyfi Hvals hf. til veiða á langreyðum verði endurnýjað. Hins vegar eru 35 prósent aðspurðra því hlynnt. Beðið er ákvörðunar nýs matvælaráðherra. Meginniðurstöður könnunar Maskínu fyrir Náttútuverndarsamtök Íslands - MYND: Maskína Niðurstöður Matvælastofnunar í …