Samfélagsmiðlar

Dagurinn þegar Kína opnaðist að nýju

Kínverjar geta á ný ferðast til útlanda. Hindranir vegna kórónaveirunnar hafa verið felldar á brott. Ýmislegt hægir þó á endurkomu Kínverja inn í alþjóðalega ferðaheiminn: Tafir á útgáfu ferðaskjala og varúðarráðstafanir í öðrum löndum, sem kínversk yfirvöld eru ósátt við.

Sjanghæ, stærsta borg Kína og fjármálamiðstöð

Yfirvöld í Kína vonast til að fjöldi farþega sem ferðast til og frá landinu í ár verði 75% af því sem hann var 2019 – áður en heimsfaraldurinn skall á.

Kínverjar gera sér líka vonir um að flugfélög þeirra ná aftur fyrri styrk eftir milljarða dollara tap á nýliðnu ári. En í dag, 8. janúar, opnast hliðin til útlanda fyrir kínverska ferðamenn og flugfélögin gera sér góðar vonir um batnandi afkomu á nýja árinu. 

Á Beijing-flugvelli

Margar hindranir eru enn í vegi Kínverja, nú þegar ferðahindrunum vegna kórónaveirunnar hefur verið rutt úr vegi. Ferðaskrifstofur sem hafa skipulagt og selt viðskiptaferðir úr landinu vara við því að dráttur geti orðið á því að hægt sé að fá nauðsynleg ferðaskjöl. Síðustu þrjú árin hefur ekki verið hægt að fá vegabréf endurnýjuð og nú hrúgast inn beiðnir. Þá hafa vegabréfsáritanir runnið út á meðan faraldurinn stóð. Sendiráð margra þeirra landa sem kínverskir viðskiptamenn þurfa að heimsækja, eins og Bandaríkjanna, Japans og Þýskalands, hafa verið lokuð að undanförnu vegna þess að kórónafaraldurinn blossaði upp aftur og starfsfólk veiktist. Afgreiðsla umsókna um vegabréfsáritanir tefjast því. Þá munu kröfur um bólusetningar og próf í þeim löndum sem flogið er til frá Kína örugglega líka hægja á umferð þangað. 

Víða tók það nokkurn tíma að koma flugstarfsemi í gang aftur eftir heimsfaraldurinn vegna skorts á starfsfólki og flutningsgetu. Sérfræðingar búast við að Kínverjar verði sneggri úr startholunum en margar aðrar þjóðir þó ýmislegt geti hindrað endurkomu þeirra á alþjóða ferðamarkaðinn – aðallega landamæraráðstafanir annarra ríkja vegna smithættu, sérstaklega Bandaríkjanna og Evrópusambandslanda.

Víst er að ferðaviljinn er fyrir hendi í Kína, þaðan sem fáir hafa getað hreyft sig síðustu árin, og er mikið um bókanir.  

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …