Samfélagsmiðlar

EasyJet gerir ráð fyrir hagnaði á árinu

Breska flugfélagið EasyJet segir útlit fyrir að afkoman á árinu 2023 fari fram úr almennum væntingum á markaði sem skekinn er af margvíslegum efnahagslegum og póltískum vandamálum.

easyjet gatwick

Almennt hafa menn ekki verið bjartsýnir um efnahagshorfur í Bretlandi á þessu ári. Enn tekst efnahagslífið á við eftirköst útgöngunnar úr Evrópusambandinu og kórónaveirufaraldursins. Almenningur þarf í daglegu lífi að kljást við hækkað verð á nauðsynjavörum og afleiðingar verkfalla. 

Þrátt fyrir efnahagslega óáran með tveggja stafa verðbólgutölu virðast Bretar ekki reiðubúnir að fórna sumarfríinu sínu. Þetta merkja lággjaldaflugfélög eins og EasyJet, sem tilkynnti í dag um að bókanir á flugi í sumar lofuðu svo góðu að vænta mætti þess að flugfélagið skilaði hagnaði í ár. Tap varð af rekstrinum á síðasta ári en afkoman batnaði eftir því sem á það leið. 

EasyJet Holidays hefur uppfært spár sínar um vöxt á árinu og býst við mun fleiri farþegum en menn höfðu áður þorað að spá fyrir um. Mikil sala hefur verið á ferðum til grísku eyjanna, Spánar og fleiri áfangastaða að undanförnu. EasyJet býr sig undir miklar annir næsta sumar og keppst er við að ljúka ráðningum á starfsfólki til að koma í veg fyrir álíka truflanir og urðu síðasta sumar á flugvöllum. Þessi batnandi afkoma ætti að stuðla að hækkun hutabréfa í EasyJet og nálgast það gengi sem var fyrir faraldurinn.

Þessi tíðindi sem Reuters-fréttaveitan hefur eftir forráðamönnum EasyJet koma í kjölfar álíka frétta af afkomu og horfum hjá írska keppinautnum Ryanair. 

Nýtt efni

Aspasinn fyrirfinnst í þremur litbrigðum – hvítur, grænn og fjólublár. Hér er í raun um að ræða sömu plöntuna en afbrigðin hafa ólíka eiginleika og ræðst liturinn af því ásamt hlutfalli sólarljóss við ræktunina. Þetta næringarríka grænmeti er ein þeirra matjurta sem maðurinn hóf fyrst að rækta en elstu heimildir um aspasræktun eru um 2.000 …

Það voru vísbendingar um offramboð á flugi héðan til London og Frankfurt síðastliðinn vetur að mati stjórnenda Icelandair. Nú er hins vegar útlit fyrir nokkru færri brottfarir til beggja þessara borga á komandi vetri. Þannig hefur Wizz Air ekki lengur á boðstólum flug til Íslands frá London og þar með dregst framboð á flugi hingað …

Ferðaskrifstofur sem selja Íslandsferðir horfa nú í auknum mæli á eftir viðskipavinunum til Noregs þar sem verðlagið er skárra. Norskir ferðafrömuðir eru líka brattir í viðtölum þessa dagana og almennt sammála um að nýliðinn vetur hafi gengið vel og sumarið verði „dúndurgott" eins og það síðasta. Og opinberar tölur sýna að veturinn gekk vel í …

Þrotabú Wow Air hefur höfðað 11 riftunarmál vegna greiðslna til kröfuhafa flugfélagsins fyrir gjaldþrot þess í mars 2019. Fyrrum forstjóra flugfélagsins og eigenda, Skúla Mogensen, er stefnt til greiðslu skaðabóta í öllum þessum málum. Auk þess er farið fram á skaðabætur frá fyrrum stjórn fyrirtækisins í níu málum. Í stjórninni sátu Liv Bergþórsdóttir, sem var …

Þingmennirnir Jóhann Páll Jóhannsson (S) og Óli Björn Kárason (D) eru ekki bjartsýnir á að Alþingi nái að afgreiða þingsályktuntillögu Lilju Alfreðsdóttur (B), ráðherra ferðamála, um nýja ferðamálastefnu til ársins 2030. Þetta kom fram í máli þingmannanna í pallborðsumræðum á fundi Samtaka ferðaþjónustunnar í fyrradag. Ráðherrann tók líka þátt í pallborðinu og átti þar lokaorðin. …

Verðlag í evrópskum matvöruverslunum var almennt hærra í nýliðnum apríl en það var á sama tíma í fyrra. Íbúar í Tékklandi, Litháen, Ungverjalandi, Slóveníu og Finnlandi borga þó minna í dag fyrir mat og drykk en þeir gerðu á fyrra samkvæmt nýrri verðmælingu á vegum Hagstofu Evrópusambandsins, Eurostat. Í Tyrklandi hækkar verðlag hratt og fór …

Samkeppnisstofnun Evrópusambandsins hefur sektað bandaríska sælgætisrisann Mondelez um 337,5 milljónir evra eða 47 milljarða íslenskra króna fyrir óeðlilega viðskiptahætti. Er Mondelez fellt fyrir að hafa skipt evrópska markaðnum upp og takmarkað flutning á vörum sínum milli landa á árunum 2015 til 2019. Tilgangurinn var að halda vöruverði uppi að því segir í tilkynningu frá Framkvæmdastjórn …

Spænska lágfargjaldaflugfélagið Vueling heldur áfram að fækka ferðum til Íslands en þotur þess flugu hingað þrisvar í viku frá Barcelona síðastliðið sumar og svo eina til tvær ferðir í viku yfir nýliðinn vetur. Sumaráætlun Vueling í ár gerir aðeins ráð fyrir brottförum frá Keflavíkurflugvelli á sunnudagskvöldum frá 23. júní til 8. september. Eftir þann tíma …