Samfélagsmiðlar

Ekki lengur bara Kanarí og Tenerife

Playa de las conchas á Lanzarote.

Íslendingar hafa fjölmennt til Tenerife síðustu misseri og í tvígang lýsti seðlabankastjóri áhyggjum sínum af þessari útrás landans með því að benda á að „þegar þjóðin fer til Tene þá kost­ar það gjald­eyri.“ Það er samt ekki að sjá að fólk hafi tekið þetta til sín því framboð á flugi milli Íslands og spænsku eyjunnar var óvenju mikið í síðasta mánuði.

Til viðbótar var boðið upp á ferðir héðan til Gran Canaria eða Kanarí en það er margra áratuga hefð fyrir vetrarferðum Íslendinga þangað.

Ferðalögin til Tenerife eiga sér ekki eins langa sögu því það var fyrst í lok árs 2005 sem í boði voru reglulegar ferðir þangað frá Íslandi en það var ferðaskrifstofan Sumarferðir sem reið á vaðið.

Og nú ætla Sumarferðir að spreyta sig á ferðum héðan til annarrar Kanaríeyju, nánar tiltekið Lanzarote. Sú eyja er nærri þrefalt minni en nýtur líka vinsælda ferðamanna. Í fyrra heimsóttu til að mynda um 50 þúsund Norðmenn Tenerife á meðan 12 þúsund landar þeirra héldu til Lanzarote.

Aftur á móti flaug enginn beint frá Íslandi til síðarnefndu eyjunnar en á því verður breyting þann 8. júní þegar fyrsta brottför Sumarferða er á dagskrá. Í framhaldinu verður flogið vikulega fram í byrjun ágúst.

Nýtt efni

Samkvæmt nýútkominni ársskýrslu Ferðamálaráðs Grænlands - Visit Greenland fjölgaði flugfarþegum sem komu til Grænlands um 9 prósent á síðasta ári. Met fyrra árs var þar með slegið. Alls voru 64.910 taldir við brottför frá landinu, tæplega 40 þúsund Grænlendingar og nærri 37 þúsund Danir. Af einstökum öðrum þjóðahópum voru Þjóðverjar fjölmennastir, nærri 3.600, Bandaríkjamenn rúmlega …

Ef ekki nást samningar milli Norwegian og norska flugmanna félagsins fyrir lok vinnuvikunnar þá munu 17 flugmenn félagsins leggja niður störf strax um helgina. Alf Hansen, formaður félags flugmanna hjá Norwegian, segir að krafa sé gerð um bæði hærri laun og betri vinnutíma. „Við vinnum sex af hverjum níu helgum. Til viðbótar er vinnuálagið mest …

Þetta eru góðar fréttir fyrir starfsmenn Mirafiori-verksmiðja Fiat í Tórínó, eins anga Stellantis-samsteypunnar, en bakslag í augum þeirra sem vilja ekkert hik í orkuskiptum í samgöngum. Eitt sinn var Mirafiori stærsta verksmiðjuhverfi Ítalíu og þar starfar enn elsta bílaverksmiðja Evrópu. En í bílaiðnaði nútímans lifir enginn á fornri frægð. Verði blendingsútgáfa af litla 500e smíðuð …

Evrópuþingið hefur samþykkt tilskipun Framkvæmdastjórnar ESB um kolefnishlutlausan iðnað, Net Zero Industry Act, eða NZIA, sem ætlað er að efla vistvænan iðnað í Evrópu og auka framleiðsluafköst í hreinorkutækni. Samræmdar reglur og fyrirsjáanleiki í viðskiptaumhverfi græns iðnaðar eiga að skila sér í meiri samkeppnishæfni og styrk iðnaðar í álfunni og fjölgun sérhæfðra starfa. Vonast er …

Komið hefur í ljós að gjaldtaka af ferðamönnum sem koma til Feneyja hefur ekki náð þeim tilgangi sínum að hemja troðningstúrisma í borginni fögru við Adríahaf. Dagpassarnir svonefndu hafa þvert á móti valdið ólgu meðal íbúa og ruglað ferðamenn í ríminu. Útgáfa passanna hófst 25. apríl og verður ekki sagt að á þeim mánuði sem …

Bílaframleiðendur í Brasilíu hafa fulla trú á því að auk þess sem notaðir verði málmar á borð við litíum, nikkel og kóbalt til að búa til bílarafhlöður verði líka þörf á gamla, góða sykrinum til að gera samgöngur vistvænni í framtíðinni. Flestir bílar sem framleiddir eru fyrir Brasilíumarkað ganga fyrir blöndu af bensíni og etanóli, …

Loftslagsráðstefna Sameinuðu þjóðanna (COP29) fer fram í Bakú í Aserbaísjan dagana 11. – 22. nóvember og nú á föstudaginn rennur úr frestur til að skila inn umsóknum um þátttöku í viðskiptasendinefnd Íslands. Að hámarki 50 manns fá þar sæti en gert er ráð fyrir að hvert fyrirtæki sendi að hámarki tvo fulltrúa. Í sendinefndinni sem …

Hann er önnum kafinn við að búa til smjördeig fyrir bökurnar þegar símaviðtalið hefst en er með hendurnar frjálsar og spjallar á meðan. Smjördeigið á leið yfir botninn með fyllingunni - MYND: © Arctic Pies „Við vorum þrír Ástralir sem stofnuðum þetta fyrirtæki saman og tengdum í gegnum þessa sömu matarupplifun. Það er pínu flókið …